Estación Espacial Internacional

La Estación Espacial Internacional (EEI) (n'inglés International Space Station o ISS), ye un proyeutu común de cinco axencies del espaciu: la NASA (Estaos Xuníos), l'Axencia Espacial Federal Rusa (Rusia), l'Axencia Xaponesa d'Esploración Aeroespacial (Xapón), l'Axencia Espacial Canadiana (Canadá) y l'Axencia Espacial Europea (ESA).

Estación Espacial Internacional
Estación espacial
STS-134 International Space Station after undocking.jpg
ISS configuration 2017-06 en.svg
Llocalización
Altitú 405 000 m
Historia y usu
Llanzamientu espacial 20 payares 1998
Xestión NASA
Axencia Espacial Federal Rusa
Axencia Espacial Europea
Axencia Xaponesa d'Esploración Aeroespacial
Axencia Espacial Canadiana
Aforu 6
Cambiar los datos en Wikidata

La estación espacial ta allugada n'órbita alredor de la Tierra nuna altitú d'aprosimadamente 360 kilómetros, un tipu d'órbita terrestre baxa (l'altura real varia nun ciertu plazu varios kilómetros debíu a l'esfriega atmosférica y a les repetides propulsiones). Da una órbita alredor de la Tierra nun periodu de cuasi 92 minutos; enantes de xunu de 2005 completara más de 37.500 órbites dende'l llanzamientu del módulu Zarya el 20 de payares de 1998.

Gracies a la ISS, hai presencia humana permanente nel espaciu, pues hebo siempre polo menos dos persones dientro de la ISS dende que'l primer equipu permanente entrara na ISS el 2 de payares de 2000. La estación ye mantenida sobre too pola Soyuz, la nave espacial Progress y el Tresbordador espacial. La ISS aínda ta güei baxo construcción con una fecha proyeutada de terminación nel 2010. Güei, la estación tien una capacidá pa una tripulación de tres astronautes. Enantes de que llegara l'astronauta alemán Thomas Reiter de la ESA que s'une al equipu de la Espedición 13 en xunetu de 2006, tolos astronautes permanentes vinieron del llau rusu o estauxunidense. La ISS, ensin embargu, foi visitada polos astronautes de doce países y foi tamién el destín de los primeros cuatro turistes espaciales.

En llinies xenerales, pue dicise que la Estación Espacial Internacional ye un xigantescu mecanu allugáu n'órbita alredor de la Tierra a 386 km, d'aprosimadamente 108 m de llonxitú sobre 88 m d'anchu y una masa d'aprosimadamente 415 t cuando te completada en 2010. Con un volume habitable d'unos 1300 m³, sobrepasará en complexidá, y con muncho, too lo que se concibió hasta la fecha. Podrá acoyer a siete astronautes permanentemente, que se sucederán y rellacionarán según les esixencias de les misiones. La so enerxía será proporcionada polos paneles solares más grandes que xamás se construyeran, d'una potencia de 110 kW.