Eva María González Fernández
Eva María González Fernández, conocida como Eva González, (5 de payares de 1980, Mairena del Alcor) ye una modelu, actriz y presentadora de televisión española, ganadora del títulu Miss España 2003.
Eva María González Fernández | |
|---|---|
 | |
| Vida | |
| Nacimientu | Mairena del Alcor, 5 de payares de 1980[1] (44 años) |
| Nacionalidá |
 España |
| Familia | |
| Pareyes |
Arturo Valls Iker Casillas Cayetano Rivera Ordóñez |
| Estudios | |
| Llingües falaes | castellanu |
| Oficiu | modelu, presentadora de televisión, participante en concursos de belleza |
| Altor | 176,5 cm |
| IMDb | nm1875209 |
 | |
Biografía
editarEva se crio na población de Mairena del Alcor, en Sevilla. Provién d'una familia d'orixe humilde. El so padre, Manuel, yera llabrador d'oficiu, y la so madre, Encarnación, ama de casa. Tien una hermana menor qu'ella, María.
Empezó a trabayar como modelu na axencia que tien la tamién modelu Raquel Revuelta en Sevilla, Doble Erre, onde consiguió'l títulu de Miss Sevilla. A raigañu del concursu, dexó los sos estudios p'asina poder dedicase intensamente a los compromisos adquiríos como Miss España 2003.
Participó nel certame de Miss España en 2003 representando a Sevilla y consiguió el títulu. Amás de ser escoyida Miss España, tamién se-y dieron los premios de Miss Simpatía y Miss Elegancia.
En proclamándose ganadora del certame, viaxó a Panamá pa participar en Miss Universu 2003. Foi una de les favorites, pero nun entró ente les 15 meyores. Vistió un traxe de flamencu nel pase de traxes nacionales.
Dempués del so reináu, Eva entró nel mundu de la moda n'España, siendo imaxe de firmes como Viceroy y Tampax y desfilando, ente otros, na Pasarela Cibeles, nel Salón Internacional de la Moda Flamenca (SIMOF) y na Selmana de Moda de Sevilla.
Tamién se forxó una carrera na televisión española, siendo na actualidá una de les presentadores más queríes pol panorama nacional. En 2004 collaboró nel programa UHF d'Antena 3 xunto a Nuria Roca y Florentino Fernández. Amás, apaeció nun capítulu de la serie de Telecinco Los Serrano, interpretando a una profesora d'Educación Física qu'encandilaba a tolos mozos del institutu.
En 2006 fichó por La Sexta, onde presentó'l concursu Dimir al escuchu xunto a Iván Sánchez y Fenómenos xunto a humoristes como Dani Mateo, Dani Martínez, Carlos Areces y David Verdaguer.
En 2007 collaboró con Andreu Buenafuente, nel so programa homónimu,[2] compaxinando esti trabayu cola presentación del concursu musical Llámase copla en Canal Sur, programa d'ésitu que condució mientres los sos nueve temporaes, dende 2007 hasta la so cancelación en 2016.
En 2008 participa na serie risible La tira, tamién en La Sexta, representando a una azafata de vuelu recién casada a quién-y tán reformando'l pisu.
El 10 de febreru de 2009 presentó la gala de los premios TP d'Oru, xunto con Manel Fuentes, emitida tamién por La Sexta. Poco dempués fíxose públicu'l so fichaxe por Telecinco, pa presentar una nueva edición del concursu El xuegu del Euromillón. El programa, sicasí, foi retiráu dos meses dempués de la parrilla en collechando una media de 10,9% de cuota de pantalla, un datu inferior a la media de la cadena.[3] Darréu tomo'l mandu de Guerra de sesos, programa diariu d'El Siete.
En 2010 Telecinco encargóse de los resumes diarios y les gales selmanales dende la isla, del programa Sobrevivientes: Perdíos en Nicaragua.
Dende abril de 2013, presenta'l programa de gastronomía MasterChef en La 1. Dende avientu de 2013, tamién presenta na mesma cadena la versión infantil del programa llamada MasterChef Junior, y amás dende payares de 2016 MasterChef Celebrity.
Tamién presentó nesa mesma cadena les gales especiales de Nuechevieya de los años 2008, 2014, 2015, 2016 y 2017.
En 2017 foi presentadora de La Gala de la Reina nel Antroxu de Les Palmes, retresmitíu en Televisión Canaria y en La 2 y TVE Internacional.
Vida personal
editarRonciega a ventilar la so vida privada, conozse qu'en 2004 tuvo una rellación col presentador y actor Arturo Valls, y dende esi mesmu añu hasta finales de 2008 con Íker Casillas, exportero de la selección española de fútbol y del Porto.
El 6 de payares de 2015 casóse con Cayetano Rivera na ilesia de La nuesa Señora de l'Asunción de Mairena del Alcor en Sevilla.
El 4 de marzu de 2018 nació en Sevilla el so primer fíu, Cayetano Rivera González.
Filmografía
editarProgrames de televisión
editar| Programes de televisión | |||
|---|---|---|---|
| Añu | Títulu | Cadena | Notes |
| 2003 | Miss España 2003 | TVE | Concursante |
| 2004 | UHF | Antena 3 | Collaboradora |
| 2006 | Dimir al escuchu | La Sexta | Presentadora |
| Fenómenos | |||
| 2006 - 2007 | El club de Flo | Concursante | |
| 2007 - 2016 | Llámase copla | Canal Sur | Presentadora |
| 2008, 2013 - 2018 | Programes especiales de Nuechevieya | La 1 | |
| 2009 | El xuegu del euromillón | Telecinco | |
| 2009 - 2010 | Guerra de sesos | El Siete | |
| 2010 | Sobrevivientes: Perdíos en Nicaragua | Telecinco | Copresentadora |
| 2012 | Satán & Eva | Canal Sur | Presentadora |
| 2013 - presente | | La 1 | ||
| 2013 - presente | | |||
| 2016 | Llámase copla: El desafíu | Canal Sur | |
| 2016 - presente | | La 1 | ||
| 2017 | El gran retu musical | ||
| Reina de les Palmes de Gran Canaria | Televisión Canaria | ||
Series de televisión
editar| Series de televisión | ||||
|---|---|---|---|---|
| Añu | Títulu | Cadena | Personaxe | Notes |
| 2004 | 7 vidas | Telecinco |
1 episodiu | |
| 2005 | Capital | Telemadrid |
1 episodiu | |
| 2006 | Los Serrano | Telecinco | Inés | 1 episodiu |
| 2008 - 2010 | La tira | La Sexta |
17 episodios | |
Anuncios de televisión
editar- Imaxe de la marca de carambelos Smint 2 en 1, xunto a David Delfín.
- Imaxe de la marca de multiópticas, mò.
- Imaxe de la marca Braun.
- Imaxe de la marca Tampax, chica TAMPAX (tampones).
- Imaxe de la marca Viceroy.
- Imaxe de la marca Chocolates Valor.
- Imaxe de la marca Isabel.
Socesión de Miss España
editar
| Predecesor: Vania Millán |
Miss España 2003 |
Socesor: María Jesús Ruiz |
Referencies
editar- ↑ Afirmao en: Internet Movie Database. Identificador IMDb: nm1875209. Data de consulta: 14 xunetu 2016. Llingua de la obra o nome: inglés.
- ↑ Eva González acompañó a Buenafuente nel so nuevu programa, Europa Press, 05-09-2007. Enllaz.
- ↑ «Telecinco esanicia'l 'Xuegu del Euromillón' d'Eva González». El Mundo. Consultáu'l 7 de mayu de 2009.
Enllaces esternos
editar
Wikimedia Commons tien conteníu multimedia tocante a Eva María González Fernández.
- Eva María González Fernández en Twitter
- Eva María González Fernández na Internet Movie Database (n'inglés)
- Yahoo! Corazón
- Miss España
- Artículu sobre Dimir al escuchu
Datos: Q629328- Multimedia: Eva González
