Ezetaerre

Ezetaerre
Datos
Tipu	grupu musical
Xéneru	rap y Hip hop
Sellu discográficu	Santa Guerrilla
País	España
Orixinarios de	A Coruña
Fecha fundación	2015
	Web oficial

Ezetaerre ye un grupu gallegu formáu n'A Coruña nel añu 2015.

Trayeutoria

La trayeutoria del grupu entamó en xunu de 2015, cuando los trés integrantes fixeron un cantar satíricu contra la fusión de facultaes na Universidá de la Coruña.^[1] A finales d'esi añu, publicaron Berros do mar, tema que s'integró darréu na maqueta del grupu, publicada en marzu de 2016 y compuesta por 10 temes.

En mayu de 2016, ganaron l'III Premiu Revenidas de Música Emerxente, que-yos dio la oportunidá d'actuar en direutu na edición diera añu del Festival Revenidas (Vilaxoán).^[2]

En xunetu d'esi añu, el grupu publicó A herdanza do vento, con Iago Pico na producción y Néboa Films na realización del videoclip. Foi'l primeru trabayu del grupu de la mano del sellu independiente Santa Guerrilla.

En febreru de 2017, el grupu editó'l so primeru trabayu d'estudiu, Aspiracións mínimas e urxentes, un LP de 8 temes producíu por Iago Pico en Pousada Son Studios. El día del llanzamientu del discu, el grupu publicó na so canal de YouTube un videoclip por cada tema, siendo la primer banda gallega en sacar 8 videoclips nun mesmu día.^[3]