Fabio Baudrit González
Fabio Baudrit González (1875, Heredia – 1954, San Xosé) foi un abogáu, políticu ya intelectual costarricense. Yera sobrín del presidente Cleto González Víquez, que foi'l so principal valedor na política y col que compartió bufete d'abogáu.
Fabio Baudrit González | |
|---|---|
| Vida | |
| Nacimientu | Heredia, 1875 |
| Nacionalidá |
 Costa Rica |
| Muerte | San Xosé, 1954 (78/79 años) |
| Estudios | |
| Llingües falaes | castellanu[1] |
| Oficiu | políticu, intelectual, abogáu |
 | |
Estudios
editarGraduóse en derechu na Escuela de Derechu de Costa Rica[2], onde años dempués foi profesor.
Actividá política y cargos públicos
editarFoi miembru de l'Asamblea Constituyente de 1917 y senador por Heredia mientres el represivu gobiernu de Federico Alberto Tinoco Granados (1917-1919). Participó na emisión d'una Llei d'Orde Públicu (Nᵘ 7 de 2 d'agostu de 1917) qu'acutó severamente de les llibertaes individuales y que foi conocida popularmente como llei Baudrit[3] y llei del candáu. Nesta llei disponíase, por casu, que "quien tirara a infundir rocea" respeutu al Gobiernu sufriría una pena d'hasta seis meses de confinamientu, y que los delitos afitaos nella nun seríen de la conocencia de los xueces penales, sinón de los axentes de policía y los xefes políticos nomaos pol Poder Executivu.
Darréu foi Secretariu de Gobernación[2] y de Facienda, Ministru Plenipotenciariu en misión especial en Panamá (1928), Primer Designáu a la Presidencia (1928-1932). Foi condecoráu en 1931 cola Orde al Méritu del Ecuador.
Actividá intelectual
editarFoi autor de cuentos, ensayos, artículos y otres obres[2], lo mesmo que de delles traducciones. Gran parte de los sos escritos recuéyense nuna obra espublizada en 1956 col títulu de Cifra antológica de Fabio Baudrit González.
Incorporáu como correspondiente a la Real Academia Española en 1922, foi miembru fundador de l'Academia Costarricense de la Llingua en 1923 (Siella H)[2], na qu'a la so muerte asocediólu'l poeta y llingüista Arturo Agüero Chaves.
Bibliografía
editarAbelardo Bonilla Baldares, Historia de la Literatura Costarricense, San José, Editorial Costa Rica, 1ª. ed., 1967, páxs. 298-299.
Jesús Manuel Fernández Morales, Las presidencias del Castillo Azul, San José, LIL, 1a. ed., 2009, páxs. 171-175.
Referencies
editar- ↑ «idRef» (francés). Agencia Bibliográfica de Enseñanza Superior. Consultáu'l 13 mayu 2020.
- ↑ 2,0 2,1 2,2 2,3 https://www.acl.ac.cr/n_a.php?ffg
- ↑ «Archived copy». Archiváu dende l'orixinal, el 2021-05-14.
Enllaces esternos
editar
Datos: Q5854165
