El fariñón (Candás) o fariñona (Lluanco), pertenez a un grupu d'alimentos bien rellacionaos col aprovechamientu del sobrante de productos resultantes na matanza del gochu.

fariñón, fariñona
Nome fariñón, fariñona
Distribución Asturies
Tipu Embutíu
Detalles
Ingredientes Sangre Principalmente de gochu
grasa/tocín
Cebolla
Especies
Fariña de maíz
Más información
[editar datos en Wikidata]

Magar que los ingredientes usaos pa la ellaboración pueden variar según la casa que los prepare, el fariñón contién principalmente de fariña de maíz, sangre, cebolla picao, grasa/tocín. Otros ingredientes (que pueden apaecer o non según la casa), son el pimentón, sal, y trazes d'oriéganu, pimienta, perexil, ya inclusive nata y güevu. Toos estos ingredientes embútense en tripa, y el conxuntu échase a cocer unes dos o trés hores. El fariñón pue consumise amestándolu como complementu a la fabada o les berces[1], o tamién consumise fritu cortáu en raxes.

Nun hai diferencies notables ente fariñón y fariñona: El fariñón (Candás) va metíu en tripa y cómese con fabada y berzes, y la fariñona (Lluanco) antiguamente nun se metía en tripa sinón que facíase en boles, y cómese más con verdures[2].

Alimentos asemeyaos editar

L'emberzáu, pantrucu o boronchu, que a diferencia del fariñón, puen llevar calabaza y/o dalgo lleche pa lligar la masa. Son de la zona del oriente d'Asturies. (En Colunga y Ribeseya llámase pantrucu, en Cangues de Onís llámase emberzáu, y en Cangues d'Onís y Amieva recibe'l nome de Boronchu). Nun va embutíu sinón envueltu en berces.

Si nun van envueltos en berza, sinón fechos en boles, como en dalgunes zones de Parres, Onís y Cabrales, reciben el nome de Probes

Ver tamién editar

Referencies editar

Enllaces esternos editar