Fernanda Tavares

Fernanda Tavares
Vida
Nacimientu	Natal, 22 de setiembre de 1980 (44 años)
Nacionalidá	Brasil
Familia
Casada con	Murilo Rosa (2007 – )
Fíos/es	2
Estudios
Llingües falaes	portugués; portugués brasilanu
Oficiu	modelu
Altor	178 cm
IMDb	nm0851621

Fernanda Tavares (22 de setiembre de 1980, Natal) ye una modelu brasilana.

Biografía

Como munches de les sos compañeres, el concursu qu'añalmente entama l'axencia Elite, The Look of the Year, foi la llave que-y abrió les puertes de la pasarela y estudios fotográficos. Consiguió ganar na eleición brasilana. Pero'l títulu mundial escapóse-y de les manes, anque ello nun supunxo nengún fracasu, yá que llueu lu empezar a llover ufiertes. Sicasí, foi mientres l'añu 2000 cuando empezó a embaraxase como una de les tops del momentu.

Tien una cara bien fotografiada. Esta morena de 1,78 metros d'altor desfiló pa grandes cases de moda, como Chanel, Ungaro, Kenzo, Valentino o Christian Lacroix. La diseñadora Stella McCartney convirtió-y nuna de los maniquinos habituales nos desfiles pa la firma Chloé. Quiciabes les sos principales armes sían desfilar con elegancia y unes midíes que fuxen del look anoréxicu d'otres modelos.

Como imaxe de marques, la so cara femenina y el so magnetismu frente al oxetivu d'una cámara convirtiéron-y en protagonista de campañes pa Absolout, Mangu, Giorgio Armani, Chloé y Atelier Versace. Pela so parte, les portaes de revistes como'l Vogue español o francés o'l Cosmopolitan americanu fueron tamién conquistaes pola so guapura racial y llatina.

Fora de la pasarela, la so familia ye'l so mayor puntu de sofitu. Ello ye que a finales de 2000 mercó un apartamentu en Nueva York onde vive al pie del so hermanu y la so madre. Y ye nesta ciudá, onde acostuma a exercitar los sos dos grandes aficiones: la natación y el jogging.

Vida privada

Casóse col actor brasilanu Murilo Rosa, el 28 de xunetu de 2007, na Ilesia de Nuesa Señora del Rosario. Con Murilo tien dos fíos, Lucas, nacíu'l 22 d'ochobre de 2007, en Rio de Janeiro y Arthur nacíu en 2012.

Referencies

Enllaces esternos

Fernanda Tavares en AskMen.com (n'inglés)