Ficheru informáticu

N'informática, un ficheru (tamién nomáu archivu) ye una secuencia finita de bytes atroxaos na memoria secundaria d'un ordenador. El ficheru caltién información que de dalguna manera tien una entidá llóxica.

Ficha de softwareFicheru informáticu
Etiqueta de Stack Exchange Stack Exchange
Cambiar los datos en Wikidata

El ficheru tará nun sistema de ficheros, que tendrá delles carauterístiques particulares, pero munchos dellos tienen éstes en concreto:

  • El ficheru tien un nome. Pue facese referencia al ficheru pol nome.
  • Los ficheros puen tar dientro carpetes o subdireutorios. Dientro una carpeta pue haber otres carpetes y/o ficheros.
  • Frecuentemente, les últimes lletres del nome, separtaes del restu por un puntu, formen lo que se llama la estensión. Esta estensión da idea de cómo interpretar la información contenida nel ficheru. Por exemplu, en dalgunos sistemes operativos, si'l nome'l ficheru acaba per .txt, lo más probable ye que cada byte del ficheru represente una lletra en códigu ASCII. Otros sistemas operativos nun empleguen pa nada la estensión, y el significáu del conteníu d'un ficheru sábese por otros medios.
  • Los ficheros tienen otres carauterístiques, como'l so tamañu, si pue camudase'l so conteníu o non, etc.

Al atroxar información nun ficheru, esta consérvase permanentemente (hasta que se camude). Lo normal ye que los ficheros los manexen programes iguaos pa facelo.

Referencies editar

Enllaces esternos editar