Fiordu de Geiranger
El fiordu de Geiranger o Geirangerfjord (en noruegu, Geirangerfjorden) ye un fiordu del distritu de Sunnmøre, na provincia de Møre og Romsdal, Noruega. Atópase dientro del conceyu de Stranda. Ye una caña del Storfjorden y mide unos 15 km de llargor, con un anchor máximo de 1,5 km.
| Fiordu de Geiranger | |
|---|---|
 | |
| Situación | |
| País |  Noruega |
| Condáu | Møre og Romsdal |
| Conceyu | Stranda |
| Tipu | fiordu |
| Parte de | Storfjorden |
| Coordenaes | 62°05′40″N 7°04′50″E / 62.0944°N 7.0806°E |
  Fiordu de Geiranger Fiordu de Geiranger (Noruega) | |
| Datos | |
| Afluentes |
ver
|
 | |
El fiordu
editarGeirangerfjord ye unu de los llugares más turísticos del país. El pueblu de Geiranger —d'unos 200 habitantes—, asitiáu nel final del fiordu, recibe más de 600 000 turistes cada añu y unos 150 barcos de pasaxeros que realicen escursiones al traviés del mesmu.
A lo llargo del fiordu hai munches cascaes, como la de Syv Søstrene («Siete Hermanes»), Brudesløret («Velo Nupcial») o Friaren («Pretendiente»). Atópense tamién numberoses granxes, la mayoría abandonaes, a entrambos llaos del fiordu. Dalgunes fueron apocayá restauraes pola asociación Storfjordens venner.
Nel añu 2005, el fiordu de Geiranger y el fiordu de Nærøy fueron declaraos Patrimoniu de la Humanidá so la denominación «Fiordos occidentales de Noruega», estatus anguaño en peligru por cuenta de los planes de construcción de llinies d'alta tensión nél.[1][2]
Cascaes
editarLos dos cascaes más notables del Geirangerfjord son «Siete Hermanes» (en noruegu: De Syv Søstrene o Dei Sju Systrene) y «El Pretendiente» (en noruegu, Friaren). Dambes atópense frente por frente, una a cada llau del fiordu.
«El Velu Nupcial» (en noruegu, Brudesløret) ye otra importante cascada del mesmu, llamada asina porque cai de forma delicada sobre un cantu predresu, y cuando se ve allumáu dende tras pol sol tien l'apariencia d'un finu velu.
Galería
editar-
Fotografía histórica del fiordu con «Siete Hermanes» -
Barcu turísticu realizando un percorríu pol fiordu -
Cascada de «Siete Hermanes» -
MSC Orchestra nel final del fiordu, cerca del pueblu de Geiranger
Referencies
editar- ↑ «West Norwegian Fjords – Geirangerfjord and Nærøyfjord» (inglés). UNESCO Culture Sector. Consultáu'l 8 de marzu de 2015.
- ↑ «Geirangerfjorden kan miste verdensarvstatus» (noruegu). bt.no. Bergens Tidende (6 de xunetu de 2007). Archiváu dende l'orixinal, el 2014-07-15. Consultáu'l 29 de xunetu de 2015.
Enllaces esternos
editar
Datos: Q193989
Multimedia: Geirangerfjorden
