Los fondos son un exerciciu poliarticular de musculación destináu principalmente a desendolcar la fuercia y el volume de los tríceps, de los pectorales y de los costazos (deltoides anterior). Esti exerciciu tamién fai intervenir en menor midida los dorsales, los trapecios, los deltoides llaterales y posteriores, y los abdominales.

Exerciciu de fondos en barra.

Pueden facese de dos maneres diferentes:

Fondos nes barres paraleles, una mano per barra.

El prauticante colócase ente dos barres paraleles, garra con dambes manes y úpase estirando los brazos. Calteniendo les piernes cruciaes al envís d'evitar un movimientu de valumbu, dobla los brazos calteniendo siempre los antebrazos perpendiculares a la barra y al suelu. Llueu úpase otra vuelta, calteniendo los antebrazos inmóviles. Si l'atleta inclina un poco’l troncu haza alantre nel exerciciu, ye’l fexe baxeru del músculu pectoral mayor el que ye solicitáu.

Fondos nes barres paraleles, pies sobre la barra

El prauticante garra una de les barres, les manes coles palmes p'abaxo y la barra detrás d'él.. Llueu posa los pies na barra paralela, quedando asina’l troncu nel vaciu. Dempués baxa lentamente’l cuerpu haza’l suelu, pero ensin tocalu. Per aciu de la fuercia los tríceps, úpase hasta la posición primera. Esti tipu d'execución namái solicita los tríceps.

Variantes editar

Los fondos fáense davezu nes barres, siendo les manes del prauticante les qu'aguanten tol pesu. P’añader resistencia, pueden usase pesos como un cintu llastráu, un chalecu pesáu, o llevando una mochila con pesos dientro. Tamién se pue caltener una pesa ente les rodíes o los todiyos. Pa quitar resistencia, pue usase una máquina de fondos o de llevantamientos asistíos, lo qu'al poner contrapesu amenorga la fuercia necesaria pa que’l prauticante llevante’l so cuerpu. Tamién pueden usase bandes de resistencia enganchaes a les plantes de los pies p'aidar cuando falla la fuercia pa facer correutamente’l fondu. Si nun se tien esti equipamientu, pue facese una variante más llixera de los fondos llamada “fondos en bancu”.

Colóquense les manes nun bancu direutamente baxo los costazos. Les piernes queden reutes y horizontales; los pies pósense n’otru bancu delantre’l prauticante. Esta variante entrena los músculos de la parte alta del cuerpu de forma asemeyada, anque non exauta, a la de los fondos normales, amenorgando bastante’l pesu total que tien que llevantar el prauticante. Esti exerciciu tamién pue facese nel borde d'un sofá, el mesáu de la cocina o cualesquier otra superficie que sofite al llevantador.

Referencies editar

Enllaces esternos editar