Freeform
Freeform (enantes ABC Family) ye una canal de televisión per cable qu'emite n'Estaos Xuníos, propiedá de Disney–ABC Television Group, una división de The Walt Disney Company. ABC Family ufierta programación contemporánea ya inclusiva, incluyendo series, películes, eventos y presentaciones d'ABC.
| Freeform | |
|---|---|
| canal de televisión y Canal temática | |
 | |
| Llocalización | |
| Sede | Los Angeles |
| Direición | Estaos Xuníos |
| Historia | |
| Fundación | 29 abril 1977 |
| Organigrama | |
| Dueñu | The Walt Disney Company |
| Direutor executivu |
Tara Duncan (mul)  (mayu 2020) |
| Participación empresarial | |
| Organización matriz |
ABC Family Worldwide Inc. (es) |
| Varios | |
| Premios |
|
| Web oficial | |
 | |
El 12 de xineru de 2016 camudó de nome a Freeform buscando captar una audiencia más variada que l'actual, centrada en families y adolescentes.[1][2]
Historia
editarLa canal salió al aire'l 10 de payares de 2001 como ABC Family, dempués de que la familia de canales FOX fuera vendida por 3.2 billones de dólares n'ochobre de 2001. La venta a ABC incluyía a Fox Kids, que dotó al nuevu ABC Family con hores de programación pa neños.
La venta a ABC, propiedá de Disney, foi considerada unu de los más grandes misterios o problemes asocedíos mientres la teneduria de Michael Eisner. El problema foi de primeres por cuenta de la adquisición foi fecha pol departamentu de planiamientu estratéxicu, ensin consultar a naide en ABC. El plan orixinal foi utilizar la canal esencialmente p'amosar repeticiones de la programación de ABC, pero esti plan foi dafechu imposible una y bones ABC nun tenía derechos de sindicación pa la mayoría de los sos programes. Mientres esti tiempu, la cadena de canales amosó repeticiones y programación pa neños.
El siguiente gran plan foi reposicionar la canal p'afaelo a estudiantes universitarios, muyeres nueves, o una audiencia nueva sol nome XYZ, referencia reversiva a ABC. Disney enteróse que la canal nunca podría camudar a esi nome. La venta de CBN contenía una estipulación de Robertson qu'especificaba que'l nome de la canal tendría de contener el términu "Family" per siempres, nun importaba quien yera dueñu de la cadena. Pa crear XYZ, "ABC Family" debería de dexar d'esistir - atayando tolos contratos de televisión por subscripción con DirecTV y Dish Network - y XYZ tendría de ser creada como una nueva cadena. Les compañíes de televisión por subscripción nun taríen obligaes a tresmitir XYZ na vacante dexada por "ABC Family". ABC refugó la idea dempués d'afayar esto (n'inglés).[3]
El nome foi revisáu en 2003, sirviendo como un bloque tituláu "The XYZ". Los programes y películes emitíos taben dirixíos al públicu nuevu. La cadena sirvió como un bufer pa quemar les series ensin ésitu de ABC, como All American Girl, con Spice Girl, Geri Haliwell.
Dempués de les controversiales opiniones emitíes pol presentador del programa 700 Club, Pat Roberson alrodiu de Hugo Chávez, los homosexuales, los feministes, los musulmanes, l'albuertu, y otros problemes sociales, "ABC Family" camudó les alvertencies antes, mientres y dempués de la tresmisión de "The following/preceding program is brought to you by CBN" (El siguiente/anterior programa llegó hasta ti gracies a CBN) a "The following/preceding CBN telecast does not reflect the views of ABC Family" (La siguiente/anterior tresmisión de CBN nun reflexa'l puntu de vista de "ABC Family").
N'agostu de 2006, un estilu visual y un eslogan apaeció en ABC Family: A New Kind of Family.
Anque'l nome, obviamente, implica programación familiar dientro de la parrilla de la programación de la canal, hubo una bayura de material que nun yera apoderáu pa menores de 13 años, como la serie de televisión (que ta clasificada como TV-14). Como se mentó enantes, la pallabra "Family" yera un requerimientu del contratu. Nin CBN nin Robertson prepararon aición llegal dalguna contra ABC pel so camín escontra la programación anti-familiar.
El 31 d'agostu de 2006, "ABC Family" tresmitió Jetix per última vegada como parte del plan de Disney de convertir toles tresmisiones de Jetix a Toon Disney. Jetix tresmitió dellos programes dende'l so debú na cadena en 2002, qu'incluyó Medabots, Beyblade, Digimon, Daigunder, Get Ed, y munchos más. De la so llarga llista de programes, los Power Rangers fueron los más esitosos.
ABC Family ye tamién reconocida por ufiertar trailers de películes a puntu de salir a les carteleres, como lo fixo con Harry Potter and the Order of the Phoenix, Hairspray y Stardust.
La cadena tamién ye reconocida pol so bloque de programación en Navidá. Ente la so programación más ambiciosa tán les sos "25 Days of Christmas" (25 díes de Navidá), que camuda'l prime-time y los programes del fin de selmana por programación navidiega, de la cual la cadena tien una llarga biblioteca. Munchos d'esta inclúin programación del so predecesor, Fox Family, y películes llargues, usualmente, dos películes nueves feches pa televisión, cada añu. Tamién hai "13 Nights of Halloween" (13 nueches de Halloween) que consiste en 13 díes de películes d'horror y suspensu, xeneralmente de variedá pa caltener la imaxe pro-familia.
ABC Family tamién ye conocida por mercar derechos de películes estranxeres que nun se dieron bien nos sos países d'orixe, y renombrándolas pa establecer una base de fans más grande, dalgunes d'eses películes son: Slap Her... She's French (re-nomada como She Gets What She Wants), The List, Lovewrecked y Full of It (re-nomada como Big Liar on Campus).
El popular show Kyle XY dio-y a la canal la mayor cantidá d'espectadores na hestoria de la cadena.[4]
ABC Family tuvo xenerando altos niveles d'espectadores colos sos eventos de películes de fin de selmana. El "Harry Potter weekend" (Fin de selmana de Harry Potter) xeneró unu de los más altos niveles d'espectadores del 2007,[5] según el "Sound of Music weekend" (Fin de selmana del soníu de la música).
En 2008, la cadena llanzó una canal d'Alta Definición.[6] Amás, n'ochobre de 2007 la cadena dio-y a los so portal n'internet un aspeutu más dixital, más conteníu, y otres meyores. ABC Family HD
Cambéu de ABC Family
editarEl 03 d'avientu de 2014, un artículu na revista Variety, informaba que los executivos d'ABC Family proponíen un rellanzamientu de la señal en 2015, qu'incluyía un cambéu de nome de la canal, un rediseño del paquete gráficu (en sustitución al del usu dende 2006), o una espansión de la programación qu'atraiga más un públicu millennial-skewing ente les opciones.[7] Mientres el upfront de presentación de la canal 2015-16, el 14 d'abril de 2015, los executivos de ABC Family anunciaron que s'enfocaríen nos adolescentes y adultos nuevos ente les edaes de 14 y 34 años - un términu representáu como "becomers", en llugar del estándar "Millennials" .[8]
El 6 d'ochobre de 2015, Disney-ABC Television Group anunció que ABC Family camudaría los so nome a Freeform. El cambéu entró en vixencia'l 12 de xineru de 2016, fecha en que s'estrenó la sesta temporada de Pretty Little Liars y la nueva serie orixinal Shadowhunters.
Ver tamién
editarReferencies
editar- ↑ llamárase-freeform/ ABC Family camuda de nome y va llamase Freeform. Series Adictos. 6 d'ochobre de 2015. http://www.bolsamania.com/seriesadictos/2015/10/06/abc-family-camuda-de-nome-y llamárase-freeform/. Consultáu'l 15 de febreru de 2017.
- ↑ ABC Family is Becoming Freeform!, 6 d'ochobre de 2015, https://www.youtube.com/watch?v=wK7US0Hk4lU/, consultáu'l 15 de febreru de 2017
- ↑ Mickey News
- ↑ MickeyNews.com «Copia archivada». Archiváu dende l'orixinal, el 22 de xunu de 2004. Consultáu'l 4 de febreru de 2016.
- ↑ The Futon Critic http://thefutoncritic.com/news.aspx?id=20070710abcfamily01
- ↑ BroadcastingCable http://www.broadcastingcable.com/article/CA6424080.html?display=Breaking+News
- ↑ Brian Steinberg (3 d'avientu de 2014). «Disney's ABC Family Cable Network Mulling Reboot». Penske Media Corporation. Consultáu'l 18 de xineru de 2015.
- ↑ Lesley Goldberg (14 d'abril de 2015). «ABC Family Plots Big Scripted Music Push as Focus Shifts to "Becomers"». Prometheus Global Media. Consultáu'l 6 d'ochobre de 2015.
