Fuerte Jesús
El Fuerte Jesús ye un fuerte portugués allugáu en Mombasa (Kenia), que foi construyíu en 1593 por orde del rei Felipe II d'España (I de Portugal), asitiáu na islla de Mombasa pa protexer l'antiguu puertu. Foi construyíu na forma d'un home (vistu dende l'aire), y dióse-y el nome de Xesús.
| Patrimoniu de la Humanidá — UNESCO | |
|---|---|
 | |
| Llugar |
 Kenia |
| Criterios |
|
| Referencia | 1295 |
| Inscripción | 2011 (XXXV Sesión) |
| Área | África |
 | |
Historia
editarEnte 1631 y 1875 el fuerte foi ganáu y perdíu en nueve causes poles naciones apostando'l control de Mombasa. Foi declaráu monumentu históricu en 1958. Anguaño alluga un muséu.
La fortaleza foi diseñada por un arquiteutu italianu, Giovanni Battista Cairatti, quien foi l'arquiteutu xefe de les posesiones portugueses n'Oriente. Foi'l primer fuerte d'estilu européu construyíu fora d'Europa, diseñáu p'aguantar el fueu de los cañones. Anguaño, ye unu de los meyores exemplos de l'arquiteutura militar portuguesa del sieglu XVI, qu'influyó tantu nos árabes de Omán como nos británicos.
La fortaleza convirtióse rápido nuna posesión vital pa cualquier potencia col enfotu de controlar la isla de Mombasa o la contorna. Cuando los británicos colonizaron Kenia'l fuerte utilizóse como prisión, hasta 1958, cuando se convirtió nun monumentu históricu. James Kirkman foi asignáu pa escavar el monumentu, lo que fizo (con un ampliu usu de los documentos históricos esternos) dende 1958 hasta 1971.
Fuerte Jesús ye agora un destín popular pa los turistes estranxeros y locales. Amás de como un destín turísticu, la fortaleza ye importante como sede de numberosos programes d'investigación. Tien un llaboratoriu de caltenimientu y alluga el Departamentu d'Educación y l'Oficina de Caltenimientu de la Ciudá Vieya.
En 2011, el fuerte foi incluyíu na llista del Patrimoniu de la Humanidá pola UNESCO.[1]
Referencies
editar- ↑ Sitios d'Etiopía, Kenia y Viet Nam inscritos na Llista del Patrimoniu Mundial de la UNESCO, sitiu web oficial de la UNESCO, 27-6-2011.
Enllaces esternos
editar
Wikimedia Commons acueye conteníu multimedia sobre Fuerte Jesús.- Videu del patiu interior: https://www.youtube.com/watch?v=oTlMcNvfyW8
Datos: Q379080- Multimedia: Fort Jesus
