Abrir el menú principal

Gǎnqíng (en chinu tradicional: 感情; pinyin: gǎnqíng) ye un importante conceutu nes rellaciones sociales na cultura china, que se traduz de cutiu como "sentimientu" y que ta rellacionáu col conceutu de guānxi (rede de rellaciones sociales). El gǎnqíng reflexa'l tenor de la rellación social ente dos persones o dos grupos. Puede faese referencia a un bon gǎnqíng, como una forma de reconocer que los dos persones tienen una afinidá, o un gǎnqíng importante nel sentíu de qu'esiste un importante sentimientu d'apreciu mutuu nuna rellación social.

De cutiu el términu gǎnqíng ye utilizáu nos comentarios que realiza'l gobiernu de la República Popular China y munches vegaes ye traducíu en forma erronea cuando lo utiliza nesi contestu. De cutiu puede lleese una frase que diz que determinada aición "manca los sentimientos del pueblu chinu." Esti tipu de frases tendría de ser traducida como qu'una aición "alteria les rellaciones col pueblu chinu." Cuando lo usa nesti contestu la frase en forma implícita resulta amenazante nel sentíu de que de siguir l'aición, ta afectándose la cooperación ente les partes nel futuru.