Genaro Arias Herrero

Genaro Arias Herrero (1902, Villaseca de Laciana ^(es)  – 24 d'ochobre de 1937, provincia de Lleón) foi un mineru y militar de Lleón. Faltába-y el pie derechu, polo que yera moteyáu como "La Pates". Formó parte del Comité de Viḷḷablinu mientres la Guerra Civil Española hasta que, tres la ocupación de la contorna per parte de les tropes nacionales fuxó a La Pola Somiedo. Ellí, xunto a Moisés Álvarez Nieto dirixió'l Comité de Guerra de Somiedo, encargáu de la defensa del Conceyu y d'orientación socialista. Cola desapaición del Comité, n'ochobre de 1936, incorpórase al Batallón nᵘ42 "Guerra Pardo", siendo l'oficial ayudante del comandante García. Tres dellos meses de convalecencia por firíes de guerra, incorporóse como teniente d'enllaz al batallón nᵘ 250. El 2 d'ochobre de 1937 foi fechu prisioneru nel frente de Lillo. Xulgáu en conseyu de guerra acusáu del afusilamientu de prisioneros de guerra y de trés enfermeres prisioneres a les que primeramente mientres la nueche torturóse y violó repetidamente (conocíes como les "enfermeres mártires de Somiedo". Foi executáu a "garrote llaín" en Lleón el 24 d'ochobre de 1937.

Genaro Arias Herrero
Vida
Nacimientu	Villaseca de Laciana (es) , 1902
Nacionalidá	España
Muerte	provincia de Lleón, 24 d'ochobre de 1937 (34/35 años)
Causa de la muerte	garrote vil (es)
Estudios
Llingües falaes	lleonés
Oficiu	militar, mineru
Serviciu militar
Lluchó en	Guerra Civil Española

Bibliografía

Alonso Marchante, J.L. (2006). "Muerte en Somiedo. Una historia de la Guerra Civil en Asturias y León". Ediciones Azucel, Avilés.

Enllaces esternos

• Datos: Q5876756