Genera plantarum secundum ordines naturales disposita, juxta methodum in horto Regio Parisiensi exaratum anno 1774

Genera plantarum secundum ordines naturales disposita, juxta methodum in horto Regio Parisiensi exaratum anno M. DCC. LXXIV (Los xéneros de plantes ordenaes en families naturales, d'alcuerdu al métodu usáu nos xardinos reales de París dende l'añu 1774) ye una obra escrita por Antoine-Laurent de Jussieu y publicada en 1789. Ye'l trabayu más famosu ya importante espublizáu por esti botánicu francés, nel cual establez el so sistema de clasificación de les plantes fanerógames que superó a aquel propuestu por Carlos Linneo.

Genera plantarum secundum ordines naturales disposita, juxta methodum in horto Regio Parisiensi exaratum anno 1774
páxina duplicada de Wikimedia
Datos
Cambiar los datos en Wikidata

Nesta obra, Jussieu non solo tomó tolos calteres posibles na so clasificación sinón qu'utilizó'l principiu de la subordinación de los calteres, esto ye, los calteres nun tienen el mesmu pesu relativu na clasificación sinón qu'esisten dalgunos con mayor importancia relativa qu'otros. Esti principiu, desenvueltu en Genera plantarum, sentó les bases de les clasificaciones naturales posteriores. Asina, dio-y una gran relevancia a la presencia o ausencia y al númberu de cotiledones, y la posición de la corola respectu al ovariu, recuperando d'esa manera los conceutos de epiginia y hipoginia de Teofrasto. En Genera plantarum propunxo 100 órdenes «naturales» (pa unes 7500 especies) los que se topaben distribuyíos en tres grupos: les denominaes «Acotiledóneas» (lliteralmente «ensin cotiledones»), equivalente a la clase «Cryptogamia» de Linneo, les dicotiledónees y les monocotiledónees. Estos últimos dos grupos de la mesma subdividíense según les carauterístiques del periantu y la posición del ovariu de les flores.[1]

L'esquema clasificatorio utilizáu por Jussieu na so obra ye'l siguiente:[1]

  • ACOTYLEDONES Class I
  • MONOCOTYLEDONES
    • Stamina hypogyna Class II
    • Stamina perigyna Class III
    • Stamina epigyna Class IV
  • DICOTYLEDONES
    • Apetalae
      • Stamina epigyna Class V
      • Stamina perigyna Class VI
      • Stamina hypogyna Class VII
    • Monopetalae
    • perigyna
      • Corolla hypogyna Class VIII
      • Corolla hypogyna Class IX
    • epigyna
      • antheris connatis Class X
      • antheris distinctis Class XI
    • Polypetalae
      • Stamina epigyna Class XII
      • Stamina hypogyna Class XIII
      • Stamina perigyna Class XIV
    • Diclines irregulares Class XV

Ver tamién editar

Referencies editar

  1. 1,0 1,1 Tormo Molina, R.. «Historia de la Botánica. La dómina de los sistemes naturales» (castellanu). Lleiciones hipertextuales de Botánica. Universidá d'Estremadura. Consultáu'l 30 de xunetu de 2009.

Bibliografía editar