Gerardo Ruiz Alonso

José Gerardo Ruiz Alonso (29 de payares de 1956, Xixón) ye un profesor d'Educación Física, estudiosu de los deportes tradicionales asturianos.

Gerardo Ruiz Alonso
Vida
Nacimientu	Xixón, 29 de payares de 1956 (68 años)
Nacionalidá	España
Estudios
Llingües falaes	castellanu asturianu
Oficiu	escritor, entrenador de fuerza y acondicionamientu

José Gerardo Ruiz Alonso nació en Xixón en 1956 y llicencióse n'Educación Física nel INEF de Madrid. Escribió la so tesina de fin de carrera sobre los bolos asturianos.

Foi profesor d'Educación Física na Universidá d'Uviéu y en diversos centros d'Enseñanza secundaria d'Asturies. Tamién imparte cursos y seminarios rellacionaos cola Educación Física, l'entrenamientu y los xuegos y deportes dientro y fuera d'Asturies.

Tien publicaos diversos estudios sobre los xuegos tradicionales asturianos, especialmente los bolos y la llave, y sobre la Educación Física en xeneral.

Tamién collaboró colos diarios El Comercio de Xixón y El Segre de Lleida publicando un manual práuticu d'entrenamientu tituláu En forma.

En 1993 foi candidatu al premiu príncipe d'Asturies de los deportes y tien llevao dellos premios como'l del Deporte rural en 1993 y el “Picu Peñameyera” (2000) poles sos investigaciones sobre los bolos. En 2010 foi premiu COLEF-Asturias na categoría individual.

Publicaciones

• El deporte tradicional del Principado de Asturias: los bolos (1983)
• Fuercia y musculación. Sistemas de entrenamientos (1990)
• Juegos y deportes alternativos en la programación de educación física escolar (1991)
• Bolos asturianos. Modalidaes, téunica y estáu actual (1992)
• La llave. De juego popular a deporte autóctono asturiano (1993)
• Educación Física en Secundaria y Bachillerato. Unidades didácticas (1999)
• Los bolos en Asturias (2000)
• Juegos y deportes tradicionales en Asturias (2001)
• El entrenamiento de la fuercia en el fútbol (2001)

Referencies

• Datos: Q13147219