Glacier Express

Glacier Express
	servicio de tren de pasajeros con nombre (es)
Llocalización
Direición	Suiza
Coordenaes	46°35′42″N 9°45′36″E / 46.595°N 9.76°E
	Glacier Express Glacier Express (Suiza)
	Web oficial

El Glacier Express ye un tren turísticu en Suiza que, dende 1930, xune Sankt Moritz con Coira, Disentis/Mustér, Andermatt, Brig, Visp y termina en Zermatt nel cantón suizu de Valais. Mientres el branu tamién circula un tren paralelu que xune Zermatt con Davos.

El primer Glacier Express partió'l 25 de xunu de 1930 a les 07.30 hores con 70 pasaxeros de Zermatt y llegó a St. Moritz casi 11 hores dempués. El tren ye conocíu tamién como'l "espresu más lentu del mundu". Mientres 7 hores y media, el tren pasa por 291 pontes, 91 túneles y pol Oberalppass a 2033 metros sobre'l nivel del mar.

Hasta 1981, el Glacier Express circuló pol túnel Furka-Scheitel (Túnel del cume del Furka) a unos 2162 msm. El tramu ente Oberwald y Realp namái podía circulase mientres 4 meses pel branu, por cuenta de les grandes nevaes y subsecuentes ábanos qu'amenaciaben la zona, polo que'l restu del añu nun circulaba'l Glacier Express. Foi esti tramu precisamente'l que-y dio'l nome al tren, yá que yera posible reparar el glaciar del Ródano dende'l tren, mientres la baxada de Muttbach-Belvédère a Gletsch y vva.

En 1982 inauguróse'l túnel de base del Furka, lo cual fixo posible que'l Glacier Express circulara tol añu. El tramu pol pie del glaciar y pol cume del pasu del Furka ye agora operáu por un tren de dómina a vapor, el Dampfbahn Furka-Bergstrecke.

El tren ufierta a los pasaxeros vagones de tipu panorámicu, que consisten en coches de viaxeros con amplios ventanales pa poder apreciar meyor los paisaxes del percorríu. Los turistes reciben al entamu del viaxe unos auriculares, que conéctense a enchufes nos asientos pa poder escuchar audiu con información histórica y descriptiva de los llugares que se percuerren. Esta información ta disponible en seis idiomes: alemán, inglés, francés, xaponés, mandarín ya italianu. Nel tren, los pasaxeros pueden pidir xinta y bebíes, que son preparaos nel coche restorán de cada tren, y son sirvíos direutamente nes meses de los pasaxeros.

Lliteratura editar

Hans Eckart Rübesamen, Iris Kürschner: Glacier Express. Sankt Moritz - Zermatt. Die Traumreise im langsamsten Schnellzug der Welt. Verlag Berg und Tal München 2006, ISBN 3-939499-01-3
Robert Bösch (Photos), Iso Camartin, Paul Caminada (Texte): Glacier Express. Die Welt des Glacier Express, AS-Verl., Zürich, ISBN 3-909111-12-2 (zweisprachig, dt.-engl. Ausg.)
Paul Caminada: Der Glacier Express, Desertina Verlag, 1985, ISBN 3-85637-058-7
Klaus Fader: Glacier-Express, Franckh-Kosmos, Stuttgart, 2000, ISBN 3-440-07799-3
Ronald Gohl: Der Glacier-Express. Rund um dean langsamsten Schnellzug der Welt, Geramond, München, 2000, ISBN 3-932785-92-4
Georg Schwach: Die Entdeckung der Langsamkeit In: Eisenbahn Geschichte 25 (Dezember 2007 / Januar 2008), S. 52 - 59. [Kritische Anmerkungen zum Wahrheitsgehalt in Texten zur Vermarktung des Zuges]
Hans Schweers: Glacier-Express. Der langsamste Schnellzug der Welt, Verl. Schweers & Wahl, 1991, ISBN 3-921679-63-X
Glacier Express - Bernina Epress - eine Entdeckungsreise durch die Alpen, Achim + Ingrid Walder, Walder-Verlag, 2006, ISBN 3-936575-29-0

Referencies editar

Enllaces esternos editar

Sitiu web del Glacier Express
VIDEO: Glacier Express