Golfu de Játanga

El golfu de Khatanga o badea de Khatanga (en rusu, Хатангский залив) ye un golfu del mar de Láptev, emplazado na mariña norte de Siberia, al sureste de la península de Taimyr. Ye un estuariu mareal relativamente estrechu, siendo'l so llargor de 220 km, el so anchor máximo de 54 km y la fondura máxima de 29 m.

La islla Bolshoy Begichev estrema'l golfu en dos estrechos: l'estrechu del Norte (13 km d'anchu) y l'estrechu Oriental (8 km d'anchu). El ríu Khatanga desagua nesti golfu. Les mariñes del golfu son altes, empinaes y fendíes. Les marees son semidiurnas algamando un altor d'hasta 1,4 m. El golfu de Khatanga ta cubiertu de xelu la mayor parte del añu.

Les veres del golfu tán, polo xeneral, cubiertes de vexetación, consistente nuna tundra baxa de cantil, según cantiles d'arenisca y marismas y zones de sedimentación.

Alministrativamente, la parte occidental pertenez al krai de Krasnoyarsk, y la suroriental a la república de Saja.

L'antiguu asentamientu y colonia penal de Nordvik taba alcontráu frente a la mariña sur de la badea na zona del estrechu Oriental, una área conocida como badea Nordvik (Bukhta Nordvik).

Referencies editar

*William Barr, The First Soviet Convoy to the Mouth of the Lena (El primer convói soviéticu a la desaguada del Lena. ).

*Asentamientos en Khatanga y Taymyr, información ya imáxenes: *Alministración:

* Prospecciones de petroleu y gas:

* Etnografía:

* Hestoria: Edá del Neolíticu:

* Aves na zona de la Badea de Khatanga:

* Olga N. Medkova, Coastal morphology and erosion of the Khatanga Bay [Morfoloxía costera y erosión de la Badea de Khatanga]. Arctic and Antarctic Research Institute.