Gramática del asturianu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Artículu
editarL'artículu tien estes formes:
| Masculín | Femenín | Neutru | |
|---|---|---|---|
| singular | el | la | lo |
| plural | los | les |
Xéneru y númberu del nome
editarEl xéneru de los sustantivos
editarDe xéneru masculín son los siguientes sustantivos: el llabor, el sal, el miel, el llume, el sartén, l'ubre, el cal, el gripe.
De xéneru femenín son: la canal, la calor, l'anfiler, la pantasma, la ponte, la coñá, la utre, la blima.
Sustantivos que puen ser masculinos o femeninos ensin cambiu de significáu: el sangre / la sangre, el mar / la mar, el cacagüés / la cacagüés, el lleche / la lleche, el llargor / la llargor, el mazanal / la mazanal, el pumar / la pumar.
El neutru ye un xéneru qu'apaez nel artículu, nos axetivos, nos referentes y nos pronomes qu'entren en concordancia con sustantivos nun cuntables. Asina que, p.e., l'axetivu malu tien tres formes malu, mala, malo. Ex.: la mala xente, la xente malo.
El neutru de materia
editarN'asturllïonés, a diferencia del castellanu, inda se caltién el xéneru neutru. El neutru apaez nel artículu, nos axetivos y nos pronomes personales qu'entren en concordancia con un sustantivu non cuntable en posición pospuesta o atributiva. Nos axetivos hai tres tres terminaciones: -u, -a, -o (pal neutru). Los axetivos en -e, -a o en consonante que nun seya -n nun amuesen neutru. Ex.: país européu, nación europea, xente europeo, la ropa aquello.
La madera ta moyao; el ganáu ye ruino, pero esti xatu nun ye ruin Día aciar, selmana aciar, esto ye aciar; xente drechista
Formantes de númberu
editarEl morfema de plural ufre cuatru posibilidaes: -s, -es, -os, -nes.
- Formante -s: en delles pallabres que terminen en -e, en diptongu o triptongu acabáu en -i, o singular en vocal tónica: el monte llibre - los montes llibres, fonte - fontes, rei - reis, llei - lleis, esquí - esquís.
- Formante -es: en delles pallabres qu'en singular finen en -a (masculines y femenines), en pallabres acabaes en consonante y en pallabres con singular en vocal tónica: lloba - llobes, cura - cures, socialista - socialistes, animal - animales, canal - canales, llagar - llagares, señardá - señardaes, amistá - amistaes.
- Formante -os: en delles pallabres con singular en -u, -o, -ín, -án, -ón, o n'axetivos en -z: deu - deos, amigu - amigos, auto - autos, camín - caminos, ayerán - ayeranos, rapazón - rapazonos (o rapazones), bonaz - bonazos.
- Formante -nes: namái en dellos sustantivos cultos: orixe - oríxenes, resume - resúmenes, virxe - vírxenes.
Alverbios
editar- Alverbios de llugar: equí / ehí / ellí, acá / allá / acullá, acó / alló / aculló, aquende / ende / alluende, alredor, allabaxo, allalantre, allarriba, aparte, ayundes, ayuri ~ ayures, camín, cezures, dayundes, dayuri, enfrente, escontra, metanes, nenyuri, niundes, ondequiera, uquiera
- Alverbios de tiempu: primero, antes, enantes / agora / dempués, llueu, ayeri / güei / mañana, aína, enaína, bastantina, ceo / tarde, sero, antaño / anguaño, apocayá / cuantayá, amunchayá, abenayá, apocagüéi / cuantagüéi, endagüéi
- Alverbios de mou: bien / mal, meyor / peor, apriesa ~ depriesa / adulces, despacio, sele ~ selemente
- Alverbios de cantidá: tanto ~ tan / más / menos, abondo, afarto, bastante, bien, bramente, dafechu ~ dafechamente, demasiao, enforma, ensembre, muncho ~ mui, namái
- Alverbios d'afirmación: sí, claro, tamién, daveres, seguro ~ seguramente
- Alverbios de negación: non ~ nun, tampoco, siquiera ~ siquieramente
- Alverbios de dulda: acasu, escurque, guapamente, igual, mesmo ~ mesmamente, pémeque, quiciás ~ quiciabes, seguro ~ seguramente, seique
- Alverbios de xuntura: Consecutivos: poro, entós, asina. Amestadores: amás, tamién, tampoco. Adversativos: sicasí, etc.
Referencies
editarEnllaces esternos
editar
Datos: Q5884188
