Gran Saint Louis

El Gran Saint Louis ye un área metropolitana biestatal de los Estaos Xuníos. Compriende parte de los estaos de Missouri ya Illinois, y arrodia completamente, ya inclúi, la ciudá independiente de Saint Louis (Missouri), que ye'l so centru. L'área ta dixebrada en dos pol ríu Mississippi, que fae de llende ente los dos estaos nomaos. La ciudá de Saint Louis asítiase en Missouri, estáu nel que vive la mayoría de la población d'esti área metropolitana; la d'Illinois conócese como Metro East, y ye la segunda mayor área metropolitana d'esi estáu.

Gran Saint Louis
GreaterSTLNASA.JPG
Alministración
Xeografía
St. Louis MSA.svg
Superficie 21,910 km²
Demografía
Cambiar los datos en Wikidata
Vista del skyline de Saint Louis dende l'este. En primer términu el Gateway Arch.

L'área estadística metropolitana de Saint Louis (St Louis, MO-IL metropolitan statistical area), que ye'l nome oficial de la conurbación, inclúi: la ciudá independiente de St. Louis y los condaos de Saint Louis (que nun inclúi la ciudá homónima), Saint Charles, Franklin, Jefferson, Lincoln y Warren, en Missouri; y los condaos que formen Metro East (Bond, Calhoun, Clinton, Jersey, Macoupin, Madison, Monroe y Saint Clair), n'Illinois. Pela so banda, l'área estadística combinada St. Louis–St. Charles–Farmington inclúi el Gran Saint Louis y, amás, les árees estadístiques metropolitanes de Farmington (Missouri), qu'inclúi el condáu de Saint Francois, y de Centralia (Illinois), qu'inclúi el condáu de Marion.

El Gran Saint Louis yera, en 2017, la 21ª mayor área estadística metropolitana del país, con 2.807.338 habitantes. Sicasí, la so población ta estancao, y esto, xunto al crecimientu de les ciudaes del Cinturón del Sol, ficieron caer esi añu al Gran Saint Louis del top 20 de les mayores árees metropolitanes del país por primer vegada dende 1840. En 2018 teníen la so sé na ciudá 11 de les 500 compañíes que formen la llista Fortune 500, otres seis más incluyíes na llista Fortune 1000 y dos de les 30 mayores compañíes privaes d'Estaos Xuníos acordies cola llista ellaborada pola revista Forbes.

ReferenciesEditar

Enllaces esternosEditar