Guerra de chancia
La drôle de guerre (pronúnciese droldeguér) o guerra de chancia, dacuando conocida como «la guerra falsa» o «guerra ilusoria», ye una espresión francesa referida al periodu de la Segunda Guerra Mundial que, sobre'l teatru d'operaciones européu, empezó cola declaración de guerra que Francia y el Reinu Xuníu dirixeron a Alemaña, el 3 de setiembre de 1939, y acabó cola invasión alemana de Francia, Bélxica, los Países Baxos y Luxemburgu el 10 de mayu de 1940.[1]
| Guerra de chancia | ||||
|---|---|---|---|---|
Parte de Frente Occidental (es)  | ||||
 | ||||
| Fecha | ochobre 1939 → abril 1958 | |||
| Llugar | Llinia Maginot y Llinia Sigfrido | |||
| Resultáu | Batalla de Francia | |||
| Belixerantes | ||||
| ||||
| [editar datos en Wikidata] | ||||
Nesti intervalu de tiempu les tropes franceses y britániques apenes se movilizaron y nun participaron en nengún actu bélicu contra los alemanes, a pesar de qu'en virtú de l'alianza anglu-polaca y francu-polaca, dambos países taben obligaos a asistir militarmente a Polonia.
Mientres el periodu entendíu ente setiembre de 1939 y mayu de 1940, los principales actos bélicos contra'l Tercer Reich asocedieron en batalles navales nel océanu Atlánticu. Inclusive la Guerra d'Iviernu ente Finlandia y la XRSS (avientu 1939-marzu 1940) trescurrió ensin que Francia o Reinu Xuníu llanzaren ataque dalgunu contra Alemaña.[2]
La invasión alemana de Noruega y Dinamarca el 8 d'abril de 1940 significó'l primer enfrentamientu bélicu direutu de franceses y británicos contra tropes alemanes, pero ello asocedió namái en territoriu noruegu, teatru bélicu llonxanu de los principales contendentes. Mentanto los exércitos adversarios espiábense mutuamente a lo llargo del ríu Rin (la frontera francu-xermana), ensin que dalgún tomara iniciatives béliques. Namái l'ataque alemán del 10 de mayu de 1940 acabó cola guerra de chancia.
La espresión drôle de guerre foi utilizada per primer vegada pol periodista francés Roland Dorgelès, nun reportaxe sobre l'exércitu aliáu qu'esperaba la ofensiva tres la llinia Maginot.[3] Nel Reinu Xuníu llamar a esti periodu Phoney War o guerra falsa, ente que n'Alemaña llamóse-y Sitzkrieg o "guerra d'asientu" (xugando equí cola espresión Blitzkrieg).
Referencies
editar- ↑ http://www.historylearningsite.co.uk/phoney_war.htm
- ↑ https://news.google.com/newspapers?id=sSkbAAAAIBAJ&sjid=R0wEAAAAIBAJ&pg=4375,4420477&dq=something-phoney&hl=en
- ↑ Dorgelès, Roland (1973). Entestáu en Gran crónica de la Segunda Guerra Mundial 1. Madrid, España: Seleiciones del Reader's Digest, S.A., páx. 93-107. ISBN 978-84-7142-104-3.
Wikimedia Commons acueye conteníu multimedia sobre Guerra de chancia.
Datos: Q190882- Multimedia: Phoney War
