Abrir el menú principal

HD 116713 (HR 5058 / HIP 65535)[1] ye una estrella na constelación de Centauru de magnitú aparente +5,11. Alcuéntrase a 207 años lluz de distancia del Sistema Solar.

HD 116713
Constelación Centauru
Ascensión reuta α 13h 26min 07,77s
Declinación δ -39º 45’ 18,4’’
Distancia 207 años lluz
Magnitú visual +5,11
Magnitú absoluta +1,01
Lluminosidá 37 soles
Temperatura 4790 K
Masa 1,9 soles
Radiu 9 soles
Tipu espectral K0.5 III
Velocidá radial +66,5 km/s

HD 116713 ye una xigante naranxa de tipu espectral K0.5 III con una temperatura superficial de 4790 K. 37 vegaes más lluminosa qu'el Sol, la midida del so diámetru angular (1,36 milisegundos d'arcu) dexa conocer el so diámetru real, 9,3 vegaes más grande qu'el diámetru solar.[2] A pesar del so tamañu, la so masa ye namái un 90% mayor que la del Sol y la so edá envalórase en 900 millones d'años.[3]

La carauterística más notable de HD 116713 ye la so composición química, yá que forma parte de la clase de les estrelles de bariu. Esti grupu d'estrelles son riques en ciertos elementos procedentes del «procesu-s», el bariu ente ellos anque nun ye l'únicu. Nel casu de HD 116713, amás del bariu, son bien abondosos circoniu, itriu, ceriu y lantanu; per otra parte, los conteníos de samariu y gadolinio, provenientes del «procesu-r», pueden ser consideraos normales.

Piénsase que les estrelles de bariu son la resultancia de tresferencia de masa nun sistema binariu. Dichu intercambiu tuvo llugar cuando lu estrella donante, entós una estrella de carbonu, contaminó con elementos del procesu-s la superficie de la estrella güei visible, entós na secuencia principal. Cuando les repara na actualidá, la evolución estelar convirtió a estrellar donante nuna nana blanca difícil de detectar; nel casu de HD 116713, l'escesu d'emisión ultravioleta en comparanza con otres xigantes «normales», pon de manifiestu la presencia d'una nana blanca acompañante. Si considérase que la so masa ye de 0,6 mases solares —valor típicu pa un oxetu d'esta clase—, la so edá d'enfriamientu sería de 616 millones d'años.[4]

ReferenciesEditar