Harry Groener
Harry Groener (10 de setiembre de 1951, Augsburgu) ye un actor y baillarín xermanu-estauxunidense, quiciabes más conocíu por interpretrar al alcalde Richard Wilkins en Buffy the Vampire Slayer (temporaes 3, 4 y 7).
Harry Groener | |
|---|---|
 | |
| Vida | |
| Nacimientu | Augsburgu, 10 de setiembre de 1951[1] (72 años) |
| Nacionalidá |
 Estaos Xuníos |
| Llingua materna | inglés |
| Estudios | |
| Estudios | Universidá de Washington |
| Llingües falaes | inglés |
| Oficiu | actor, baillarín, actor de teatru, actor de televisión, actor de cine |
| Premios |
ver
|
| Nominaciones | |
| IMDb | nm0342881 |
 | |
Vida temprana editar
Groener nació en Augsburgu (Baviera, Alemaña) d'un padre que trabayó como oficinista, concertista de pianu y compositor, y de una madre que yera cantante d'ópera.[3] Emigró a los Estaos Xuníos cola so familia a la edá de dos años. Cuando yera adolescente, Groener estudió nel Ballet de San Francisco; él depués diría estudiar teatru na Universidá de Washington.
Carrera editar
La reputación de Groener en Nueva York basaríase casi dafechu na so obres de teatru musical, anque la mayor parte de los sos papeles fora de Nueva York fueron en drames clásicos o obres contemporáneos como Eastern Standard. El so creitos en Broadway inclúin Is there life after high school?, Will Parker en Oklahoma! (nominación a los Premios Tony, Premiu Mundial de Teatru), Munkustrap en Cats (nominación al Tony), Georges/George en Sunday in the Park with George y Bobby Child en Crazy for You (nominaciones a los Premios Tony, Drama Desk y del Outer Critics Circle). En 1999 actuó nel Lucille Lortel Theater en If Love Were All, una revista musical basada na amistá de Noël Coward y Gertrude Lawrence. Actuó en teatros rexonales en tol país, incluyendo'l San Diego Old Globe Theatre (onde él ye un artista asociáu), Mark Taper Forum, Westwood Playhouse, South Coast Repertory, Pasadena Playhouse, Long Wharf Theater, A.C.T. y nel Festival de Teatru de Williamstown.
Groener actuó regularmente en televisión, incluyendo apaiciones en Star Trek: The Next Generation (1990), Star Trek: Voyager (1996), Star Trek: Enterprise (2005) y en decenes d'otres series; tamién foi un regular na serie Dear John. En 1998 y 1999, Groener interpretó a Richard Wilkins, el malváu alcalde de Sunnydale na tercer temporada de la serie de televisión de cultu Buffy the Vampire Slayer. Groener repitió'l so papel en cameos nes temporaes cuarta y séptima de Buffy. Dende 2004 hasta 2006 apaeció como'l chef Gunther na serie de televisión Las Vegas. Trabayos notables en películes inclúin Road to Perdition y About Schmidt. Tamién apaeció en dos episodios de The West Wing como'l Secretariu d'Agricultura y nun episodiu de Bones como un ciruxanu plásticu, Henry Atles. En 2009, Groener apaeció nun episodiu de la segunda temporada de Breaking Bad como'l psiquiatra del protagonista Walter White. Tamién interpretó'l papel de Clint, padrastru de Ted, en How I Met Your Mother.
Él yera un vocalista regular pal sellu Varèse Sarabande, realizando grabaciones tales como Shakespeare on Broadway, Cole Porter: A Musical Toast y delles entregues de les series Unsung Broadway y Lost in Boston. Él interpretó al rei Arturu en Spamalot de Monty Python mientres l'añu 2006. En 2010, apaeció nel papel titular na producción de la Antaeus Company de El rei Lear. Ganó'l premiu del Drama Critics Circle por esta actuación. En 2012 actuó nel debú de la obra de Christopher Hampton Appomattox nel Guthrie Theater en Minneápolis, interpretando un doble papel como'l presidente d'Estaos Xuníos Abraham Lincoln en 1865 y Lyndon B. Johnson en 1965.[4]
Referencies editar
- ↑ Afirmao en: Internet Movie Database. Identificador IMDb: nm0342881. Data de consulta: 16 ochobre 2015. Llingua de la obra o nome: inglés.
- ↑ URL de la referencia: http://www.theatreworldawards.org/past-recipients.html.
- ↑ «Harry Groener Biography (1951-)» (inglés). Film Reference.
- ↑ «Harry Groener» (inglés). Guthrie Theater.
Enllaces esternos editar
Wikimedia Commons tien conteníu multimedia tocante a Harry Groener.- Harry Groener na Internet Movie Database (n'inglés)
- Harry Groener en Internet Broadway Database
- Sitiu web oficial
Datos: Q566885- Multimedia: Harry Groener
