Hawker Hurricane
El Hawker Hurricane foi un caza británicu usáu mientres la Segunda Guerra Mundial. Esnaló por primer vegada el 6 de payares de 1935 y entamó nel so serviciu, como Hurricane MK I, n'avientu de 1937. Foi'l primer caza monoplanu d'esnala baxa y con tren retráctil de la RAF y llevó'l pesu de les operaciones de caza hasta l'añu 1941, en qu'apeció'l Supermarine Spitfire. El Hurricane foi fundamental pal rearme británicu ante la inminente Segunda Guerra Mundial y punxo al Reinu Xuníu en condiciones de poder enfrentar el conflitu dende l'aire. Aínda que foi abondo clisáu pol Spitfire, el Hurricane fízose famosu mientres la Batalla d'Inglaterra, onde algamó sobre'l 60% de les vitories aérees de la RAF, y sirvió nos principales escenarios de la guerra. El so diseñu orixinal foi modificáu apaeciendo delles versiones que dieren como resultáu una serie d'aviones con distintes funciones como caces interceptores, cazabombarderos o aviones de sofitu próximu. Les versiones navales, conocíes como Sea Hurricane, foren modificaciones para ser a operar dende buques de guerra. Dellos foren camudaos pa ser llanzaos dende catapulta como escolta de convois y foren conocíos como "Hurricats". Llegaren a fabricase más de 14.000 apareyos hasta lo cabero de 1944, incluyíos unos 1.200 Sea Hurricane y al rodiu de 1.400 fabricaos en Canadá pola empresa Canadian Car and Foundry baxo llicencia.
_(41455530471).jpg)
Carauterístiques
editar• Tipu: monoplaza de caza Hawker Hurricane MK I. • Envergadura ente esnales: 12,19 m. • Llongura: 9,55 m. • Planta motriz: motor llinial Rolls-Royce Merlin II. • Pesu máximu nel despegue: 2.829 kg. • Velocidá máxima: 308 milles/hora a 10.000 pies. • Algame operacional 525 milles.
Datos: Q194251
Multimedia: Hawker Hurricane
