Historia de la frivolidad
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Historia de la frivolidad ye un programa especial de TV, estrenáu en TVE'l 9 de febreru de 1967, con direición de Narciso Ibáñez Serrador, guiones del propiu Serrador y de Jaime de Armiñán y música d'Augusto Algueró.
Historia de la frivolidad | |
|---|---|
| Datos | |
| Xéneru |
comedia (es)  |
| País d'orixe | España |
| Llingua orixinal | castellanu |
| Emisión | |
| Direutor/a | Narciso Ibáñez Serrador |
| Emisión | |
| Emisora | La 1 |
| Fecha de principiu | 9 de febreru de 1967 |
| Varios | |
 | |
Argumentu
editarLa película narra, en forma de sketches humorísticos, la hestoria del erotismu y los esfuercios pa esconder los encantos del cuerpu humanu, dende Adán y Eva hasta'l sieglu XX, cola narración de La Conferenciante (interpretada por Irene Gutiérrez Caba) como filu conductor. Pue vese asina que fueron les integrantes de la Lliga Femenina contra la Frivolidá - personaxes precursores de los futuros tacañones del concursu Un, dos, trEs - les qu'incorporaron la fueya de parra al desnudu del primer home y la primer muyer. Muestra'l primera strip-tease, el de Salomé, viciosa costume que siguió na Edá Media. Según avanza la historia, pue contemplase'l descubrimientu de les Indies dende una perspeutiva nueva o los problemes causaos pola prohibición de Sabela I d'Inglaterra de que les muyeres xubieren a los escenarios, con una Xulieta interpretada por José Luis Coll (con Jaime Blanch como Romeo). La evolución posterior nun foi muncho más favorable, a xuiciu de les puritanes, cola belle-epoque y la llegada del cine. La esperanza queda en manes d'un futuru onde la carne seya sustituida pola lata de los robots.
Historia del proyeutu
editarLa idea de filmar un programa especial de televisión surdió de la mente del entós Direutor Xeneral de RTVE Adolfo Suárez y de Juan José Rosón. La intención yera amosar al esterior la imaxe d'una España moderna y tolerante qu'ameyorara la impresión mala que del réxime franquista teníen naquel momentu les democracies occidentales.
L'encargu foi encamentáu a un yá daquella prestixosu Narciso Ibáñez Serrador que xunto a Jaime de Armiñán allumó lo qu'en principiu foi Historia de la censura. Un espectáculu irónicu por demás que con un sentíu del humor sele, ponía n'evidencia ún de les mayores vicios del franquismu.
Pero l'espaciu atopó precisamente col oxetu de la so burlla: En primer llugar tuvo que modificar el títulu, que quedó como Historia de la frivolidad. El conteníu del programa tampoco contó col vistu bonu de Don Francisco Gil Muñoz, entós censor oficial de TVE, qu'amenació con dimitir si emitíen l'espaciu.
El programa presentóse al Festival de Televisión de Montecarlu. Sicasí, la organización esixó que pa participar debía estrenase enantes. El programa emitióse en medianueche y depués d'anunciase'l fin de la programación del día y emitise l'himnu nacional.
Finalmente, Historia de la frivolidad ta consideráu como ún de los espacios más emblemáticos de la historia de la televisión n'España.
Momentos destacables
editarEnte los múltiples sketches qu'integren l'especial, figuren los siguientes que pasaron a la historia de la televisión n'España:
- Les integrantes de Lliga Femenina contra la Frivolidá, con Irene Gutiérrez Caba a la cabeza, arropada por Rafaela Aparicio, Lola Gaos, Pilar Muñoz y Margot Cottens) entonen el so himnu la lletra de que'l so estribillu reza Somos puritanes [...]. Usamos tisories, usamos tinteros […]. Cortamos, rompemos, echamos borrones, […] baxamos les sayes, xubimos escotes.
- En plena edá media, una moza (Irán Eory) protagoniza un strip-tease nel que se quita la so armadura y que la va llevar finalmente a la foguera.
- Nel descubrimientu d'América, los navegantes españoles (Zori, Santos y Codeso), al columbrar la mariña glayen al contemplar una india llixera de ropa ¡Ehí tán les indies!, ¡qué barbaridá!.
Premios
editarHistoria de la frivolidad ye una de les producciones más premiaes na historia de TVE:
- Ninfa d'Oru del Festival de Montecarlu.
- Rosa d'Oru y primer Premiu de la Prensa del Festival de Montreux.
- Targa d´Argento del festival de Milán.
Referencies
editarEnllaces esternos
editar- Ficha de Historia de la frivolidad na Internet Movie Database (n'inglés)
Datos: Q5899614
