Histories d'un seductor (memories d'un babayu)

Histories d'un seductor (memorias d'un babayu) ye una novela de Miguel Rojo ganadora del Premiu de Narraciones Trabe en 1993. Esta novela, cásique un bestseler n'Asturies, publicóse en castellanu col nome de Historias de un seductor (memorias de un gilipollas) pola mesma editorial, Ediciones Trabe. Amás, tuvo a punto de convertise nuna película al comprar una productora cinematográfica madrilana los sos derechos, anque al final el proyeutu quedó pa prau.

Histories d'un seductor (memories d'un babayu)
obra lliteraria
Datos
Autor	Miguel Rojo
Llingua de la obra	asturianu
Editorial orixinal	Ediciones Trabe

Argumentu

Histories d'un seductor ye una crónica sentimental. Escrita como si fueren unes memories, narra con desenfadu les rellaciones coles muyeres importantes na so formación: la madre, les compañeres de xuegos infantiles nada inocentes, la escuridá aprovechable de los cines, la vecina, l'amante comunista de finales de los sesenta, la casada infiel, les vírxenes, la muyer, el divorciu... L'autor consigue asina una novela divertida y instructiva, actual, onde alternen humor y traxedia, amor y sexu nuna espléndida y animada narración.

Enllaces esternos

• Datos: Q13147251