Humedá
La humedá ye la cantidá de vafu o vapor d'agua que hai nel aire. El vapor d'agua ye l'estáu gaseosu de l'agua, y ye invisible. La humedá nos indica la probabilidá de que se produzca lluvia, rosada o nublu. La cantidá de vapor d'agua que fai falta p'algamar la saturación medra según aumenta la temperatura, y disminuye cuando la temperatura baxa, hasta llegar un puntu nel que l'aire alcanza'l puntu de saturación ensin que haiga pérdida o ganancia de masa d'agua. La cantidá de vapor d'agua nel aire ye enforma variable; asina, cuando l'aire ta a piques de saturase puede contener hasta 28 g d'agua por metru cúbicu a -1º C, pero tien namái 8 g por metru cúbicu a -12º C.
Cuantes mayor seya la humedá menor ye la efectividá del sudor na xera d'enfriar la temperatura corporal, porque amenorga la evaporación de la humedá de la piel. Esti efeutu calcúlase al traviés d'un índiz de calor (nomáu humidex o humiture n'inglés), que combina la temperatura del aire cola humedá relativa, a la sombra, pa calcular la sensación térmica, la temperatura percibida poles persones.
Hai trés mediciones principales de la humedá. Llámase humedá absoluta al conteníu d'agua del aire a una temperatura determinada; esprésase en gramos por metru cúbicu[1]. Llámase humedá relativa a la midida de la humedá absoluta que hai nún momentu concretu en rellación col puntu de saturación a esa temperatura; esprésase nún porcentaxe nel que'l 100% ye la cantidá a la que se satura l'aire a esa temperatura. Y llámase humedá específica a la rellación ente la masa de vapor d'agua y la masa total de aire (incluyíu l'aire secu) d'una cantidá concreta d'aire.
Referencies
editar
