Hygrocybe psittacina var. psittacina
Hygrocybe psittacina var. psittacina[1] (Schaeff.) P. Kumm. ye un fungu basidiomicetu de la familia Hygrophoraceae, tamién conocíu como higróforo verde. El so basónimo ye Agaricus psittacinus Schaeff. 1774.[1] L'epítetu específicu psittacina significa "perteneciente al papagayu".[2]
Hygrocybe psittacina var. psittacina | ||
---|---|---|
Clasificación científica | ||
Reinu: | Fungi | |
División: | Basidiomycota | |
Clas: | Agaricomycetes | |
Orde: | Agaricales | |
Familia: | Hygrophoraceae | |
Xéneru: | Hygrocybe | |
Especie: | H. psittacina | |
Subespecie: |
Hygrocybe psittacina var. psittacina[1] (Schaeff.) P. Kumm. 1871 | |
Sinonimia | ||
| ||
Consultes | ||
[editar datos en Wikidata] |
Hygrocybe psittacina var. psittacina Carauterístiques micolóxiques | ||
---|---|---|
Himeniu con llámines | ||
El sombreru ye convexu | ||
Les llámines son ventrudes | ||
El pie ta desnudu | ||
Espores de color blancu | ||
La ecoloxía ye micorriza | ||
[editar datos en Wikidata] |
Descripción editar
La cogorda d'esti fungu presenta un sombreru bien pequeñu, midiendo ente 1 y 4 centímetros de diámetru, campanuláu de primeres, y esplanáu con un mamelón central más tarde. La cutícula ye verde, llisa y, n'ambiente húmedo, presenta un aspeutu brilloso y mafoso. El color ye variáu, anque predominantemente ye verde con tonos amarellentaos o anaranxaos, y conforme madura pudi presentar tonos acolorataos, empalideciendo n'exemplares vieyos. Les llámines son adnates, grueses y tán bien espaciaes, presentando laminuques parciales. Son de color mariellu o verdosu, como'l sombrerucu. El pie mide ente 3 y 7 centímetros de llargor y ente 0,3 y 0,8 de diámetru, de cutiu ta torcíu y ye buecu y más estrechu na parte cimera. Presenta una coloración asemeyada a la del sombreru, tomando un color verdeazulado na parte cimera, y mariellu anaranxao na inferior. La so carne ye del mesmu color que'l pie y el sombreru, y de testura aguacienta y fráxil, ensin golor nin sabor. La esporada ye blanca.[2]
Posibilidaes de tracamundiu editar
El so color verdosu ye bien característicu, polo que ye difícil confundilo con otres especies, salvu con otres cogordes verdes, como la del fungu Hygrocybe laeta. Sicasí, cuando empalidece ye bastante paecida a les otres especies de Hygrocybe.
Referencies editar
- ↑ 1,0 1,1 1,2 1,3 «Hygrocybe psittacina var. psittacina» (n'inglés), Hygrocybe psittacina var. psittacina, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=418716
- ↑ 2,0 2,1 Grünert, H.; Grünert, R.; VV.AA. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 46. ISBN 84-87535-11-9.
Enllaces esternos editar
- Wikimedia Commons tien conteníu multimedia tocante a Hygrocybe psittacina psittacina.
Wikispecies tien un artículu sobre Hygrocybe psittacina var. psittacina. |