IP sobre palombos mensaxeros

IP sobre palombos mensaxeros ye una propuesta sarcástica de protocolu de rede creada en 1 d'abril de 1990 pa la tresmisión de datagrames del protocolu IP per aciu de palombos mensaxeros. Foi definida nel encamientu RFC 1149, una Pidimientu de Comentarios (RFC) del Grupu de Trabayu d'Inxeniería d'Internet (IETF) escrita por D. Waitzman. Ye parte de los RFC del 1 d'abril, cuando, como parte del April Fools' Day, ye habitual ente los espertos en redes informátiques añader un RFC humorísticu

El 1 d'abril de 1999 espublizóse l'encamientu RFC 2549, una estensión de l'anterior denomada IP sobre palombos mensaxeros con calidá de serviciu. Arriendes, el RFC 6214, espublizáu'l 1 d'abril de 2011, 13 años dempués de l'adopción de IPv6, supunxo una estensión del RFC 1149 pa esti protocolu^[1]

El IPoAC foi implementáu con ésitu pa nueve paquetes, con una ratio de perda del 55% por fallos del operador,^[2] y un tiempu de rempuesta ente 3000 y 6000 segundos (54 minutos y 1.77 hores, respeutivamente), polo qu'esta teunoloxía sufre d'una alta llatencia. Aínda asina, pa grandes tresferencies los palombos son a tener un altu rindimientu, implementando una sneakernet. Nos últimos años, la capacidá d'almacenaxe, y por tanto la densidá d'información qu'un palombu pue llevar creció 3 vegaes más rápidu que l'anchu de banda del internet.^[3] Asina, si 16 palombos tarden 1 hora en llevar dos tales tarxetes sd de 512 GB, la velocidá media de tresmisión va ser 145.6 Gbit/s, escluyendo la tresmisión dende y escontra les tarxetes SD

Ver tamién

Referencies

↑ B., Carpenter,. «Adaptation of RFC 1149 for IPv6» (inglés). Consultáu'l 9 d'agostu de 2017.
↑ (n'inglés) The informal report from the RFC 1149 event. BLUG. 7 de setiembre de 2014. http://www.blug.linux.no/rfc1149/writeup/. Consultáu'l 9 d'agostu de 2017.
↑ «Truckloads of hard disks». Consultáu'l 9 d'agostu de 2017.

Enllaces esternos

RFC 1149 A Standard for the Transmission of IP Datagrams on Avian Carriers.
RFC 2549 IP over Avian Carriers with Quality of Service.
Aplicación práutica galería de semeyes de les primeres implementaciones d'esti protocolu sobre'l sistema operativu Linux.

[1] B., Carpenter,. «Adaptation of RFC 1149 for IPv6» (inglés). Consultáu'l 9 d'agostu de 2017.

[2] (n'inglés) The informal report from the RFC 1149 event. BLUG. 7 de setiembre de 2014. http://www.blug.linux.no/rfc1149/writeup/. Consultáu'l 9 d'agostu de 2017.

[3] «Truckloads of hard disks». Consultáu'l 9 d'agostu de 2017.

[1]

[2]

[3]