L' ISO 4217 ye un estándar internacional establecíu pola ISO col envís de definir códigos de lletres pa nomar toles monedes del mundu.

La nomenclatura del ISO 4217 val pa desaniciar les confusiones provocaes por nomes de delles divises, como dólar, francu, llibra o pesu emplegaes en varios países y con tipos de cambiu bien diferentes.

Cada moneda tien asignáu un códigu de tres lletres. Les dos primeres lletres coinciden coles del nome del país según la norma ISO 3166-1 . La tercera suel ser la inicial de la divisa. Asina por exemplu, el pesu colombianu conozse como COP y el dominicanu como DOP.

Les monedes supranacionales, como'l dólar del caribe oriental, el francu CFP o'l francu CFA tienen asignaos códigos qu'entamen por X : XCD, XPF y XAF respeutivamente. Otru casu especial ye'l del euru, que se representa coles lletres EUR, anque EU nun seya un códigu nacional ISO 3166-1.

La norma ISO 4217 tamién s'usa pa definir les rellaciones ente la unidá monetaria principal y les sos subdivisiones.

Referencies editar

Enllaces esternos editar