IX Conceyu de Toledo

El novenu conceyu celebráu na ciudá de Toledo foi un sínodu d'Obispos de la Cartaxinesa nel Reinu de los Visigodos, del añu 655.

Tuvo llugar ente'l 2 de payares de 655 y el 24 de payares del 655 na Ilesia de Santa María y asistieron dieciséis o diecisiete obispos, seis abás, dos dignatarios y cuatro condes palatinos. Promulgáronse diecisiete cánones relativos a la honestidá del cleru, los bienes de la ilesia y el celibatu eclesiásticu. Alcordóse la celebración d'otru Sínodu provincial el 1 de payares del 656.

Estudió de nuevu l'apropiación de bienes de la Ilesia per parte de dellos Obispos y clérigos y la cuestión del celibatu eclesiásticu. Autorizóse a los obispos a apurrir a cualquier ilesia de la so eleición una tercer parte de les rentes d'otra ilesia de la so diócesis. Aprobóse que si un clérigu (dende obispu a subdiáconu) tuviera un fíu con una muyer llibre o esclava, esti fíu convertiríase perpetuamente n'esclavu de la ilesia na que sirvía'l padre. Nengún home o muyer llibertu eclesiásticu podría casase con un home llibre (romanu o godu); en casu de faelo los fíos del matrimoniu seríen esclavos de la Ilesia.

Coles mesmes nesi Sínodu establecióse que los xudíos bautizaos tendríen de pasar les fiestes cristianes en compañía del obispu llocal por qu'ésti diera fe de la veracidá de la so conversión. La pena por incumplimientu sería d'azotes o ayunu, según la edá.

Ver tamién

Conceyos de Toledo

Referencies

Enllaces esternos

Juan Tejada y Ramiro: Conceyu IX de Toledo, arrexunta tolos cánones del conceyu (llatín y castellán).