Iñaki Churruca xugó trés temporaes nel Club Deportivo Zarautz xuvenil. Darréu fichó pol Real Sporting de Xixón onde tuvo media temporada de la 1967/68 cedíu nel Club Deportivo Ensidesa. Nel Sporting tuvo once temporaes, hasta que posteriormente pasó al Athletic Club y yá nos años 1980 fichó pol Hércules Club de Fútbol. Colos os equipos de Xixón, Bilbao y Alicante acumuló más de 420 partidos en Primer División. Depués del Hércules fichó pol Club de Fútbol Lorca Deportiva en Segunda División "B", onde xugó la temporada 1982/83 y a mitá de la 1983/84, el 6 d'avientu de 1983 marchó a media temporada. Foi internacional asolutu con España en 16 encuentros, tamién foi internacional sub-23 en 2 ocasiones. Xugó un partíu cola Seleición de fútbol del País Vascu. También entrenó a dalgún qu'otru equipu como a la Peña Deportiva Santa Eulalia que clasificó pa la promoción d'ascensu a Segunda "B" na temporada 2001/02. Anguaño ta retiráu y residía en Cádiz, anque ta acabante de treslladase a vivir al conceyu de Sariegu.
- ↑ Afirmao en: transfermarkt.com. Identificador Transfermarkt d'un futbolista: 155499. Apaez como: José Ignacio Churruca. Data de consulta: 9 ochobre 2017. Llingua de la obra o nome: distintes llingües.
Enllaces esternos
editar
España
Datos: Q1747808