Inma Chacón

Inmaculada Chacón Gutiérrez (3 de xunu de 1954, Zafra), más conocida como Inma Chacón, ye una narradora y poeta española, hermana ximielga de Dulce Chacón.

Inma Chacón
Vida
Nacimientu	Zafra, 3 de xunu de 1954 (70 años)
Nacionalidá	España
Familia
Padre	Antonio Chacon Cuesta
Hermanos/es	Dulce Chacón
Estudios
Estudios	Universidá Complutense de Madrid
Llingües falaes	castellanu
Oficiu	escritora, poeta
Emplegadores	Universidá Rei Xuan Carlos
Seudónimos	Inma Chacón

Biografía

Nació n'Estremadura nuna familia conservadora. El so padre, Antonio Chacón, foi alcalde de Zafra mientres la dictadura de Francisco Franco.

Finó cuando Inma y Dulce teníen 11 años. María Gutiérrez, la madre, partió coles neñes al añu siguiente a Madrid, onde s'instalaron.

Inma Chacón ye doctora en Ciencies de la Información pola Universidá Complutense de Madrid, ye profesora de Documentación na Universidá Rei Xuan Carlos. Foi decana de la facultá de Comunicación y Humanidaes na Universidá Europea, fundadora y direutora de la revista dixital Binaria y direutora del Doctoráu en Comunicación, Puxanza Teunolóxica y Renovación Sociocultural.

Ye columnista d'El Periódico de Extremadura dende fines de 2005 y collabora con diversos medios.

La so primer novela, La princesa india, ye un homenaxe a la so hermana, pos yera una hestoria qu'ella quería escribir cuando careció del cáncer que terminaría cola so vida en 2003.

En 2011 resultó finalista del Premiu Planeta cola so cuarta novela Tiempo de arena.

Bibliografía

• La princesa india, novela, Alfaguara, 2005
• Alas, poemario, Ellago, 2006
• Urdimbres, poemario, Ellago, 2007
• Las filipinianas, Alfaguara, 2007
• Nick, novela juvenil, La Galera, 2011
• Antología de la herida, poemario, Musa a la 9, 2011
• Tiempo de arena, novela, Planeta, 2011
• Mientras pueda pensarte, novela, Planeta, 2013