Iqaluit (/iˈkæluːɪt/ ih-KAL-oo-it en silabariu inuktitut: ᐃᖃᓗᐃᑦ) ye la denominación actual n'idioma inuktitut pa l'antigua Frobisher Bay. Ye la capital del territoriu autónomu de Nunavut, en Canadá, según la mayor llocalidá del mesmu. Asitiada na islla de Baffin, na badea Frobisher (al sureste de la isla), que-y daba nome antaño, tien una población de 7429 hab. (2021)[1][2], el 58% de los cualos ye d'orixe inuit.[3] Tien la población más baxa que cualesquier otra capital canadiense.[4]

Iqaluit
Alministración
PaísBandera de Canadá Canadá
Territorio (es) TraducirBandera de Nunavut Nunavut
Rexones Rexón Qikiqtaaluk
Tipu d'entidá villa
Nome llocal ᐃᖃᓗᐃᑦ (iu)
Xeografía
Coordenaes 63°44′58″N 68°31′18″W / 63.7494°N 68.5217°O / 63.7494; -68.5217
Iqaluit alcuéntrase en Canadá
Iqaluit
Iqaluit
Iqaluit (Canadá)
Superficie 52.5 km²
Altitú 0 m
Llenda con Lago Amadjuak (es) Traducir
Demografía
Población 7429 hab. (2021)
Porcentaxe 38.38% de Rexón Qikiqtaaluk
20.16% de Nunavut
0.02% de Canadá
Densidá 141,5 hab/km²
Más información
Fundación 1942
Prefixu telefónicu 867
Llocalidaes hermaniaes Çeşme
iqaluit.ca
Cambiar los datos en Wikidata

Historia editar

Foi una antigua base aérea importante mientres la Segunda Guerra Mundial, qu'esperimentó una medría relevante de la so población tres la instalación d'un radar perteneciente al sistema DEW (NORAD). El cambéu de denominación de Frobisher Bay a Iqaluit foi adoptáu'l 1 de xineru de 1987, siendo'l significáu lliteral de la nueva denominación inuktitut "Llugar de munchos pexes". Foi escoyida capital de Nunavut por referendu cuando esti crear en 1999 frente a la otra candidata, Rankin Inlet. Iqaluit tien un pequeñu pueblu llamáu Apex, na so redoma.

Arquiteutura típica y edificios d'interés editar

Gran parte de l'arquiteutura d'Iqaluit ye funcional, reflexáu esti aspeutu polos sos diseños destinaos a amenorgar al mínimu los costos de material, de la que se caltién el calor y sopórtase el clima xelizu de la zona. Los principios de l'arquiteutura van dende la década de 1950 colos cuarteles militares de la instalación de la llinia orixinal, pasando pola década de 1970 col bloque de fibra de vidriu blancu hiper-modernista de la Escuela Nakasuk y de les oficines municipales y del sable, a les llinies del complexu de formigón armáu de gran altor nel cuetu percima d'ella. Los edificios más nuevos son más coloríos y diversos, y más acordes a les normes de l'arquiteutura del sur, pero ensin entueyos en gran midida.

La principal esceición ye l'edificiu de l'Asamblea Llexislativa de Nunavut, que destaca pol so coloríu interior, afatáu con delles de les meyores pieces del arte inuit.

Otru edificiu distintivu yera l'anglicana St. Jude's Cathedral, sede de la Diócesis Anglicana del Árticu. Yera un edificiu blancu con forma d'iglú. Orixinalmente construyíu polos feligreses, so la direición de Markoosie Pedro, l'altar tenía la forma d'un tradicional trinéu inuit, y la cruz compuesta de dos caniles de narval cruciaos. Una quema afectó gravemente a la estructura de la Catedral y al interior el 5 de payares de 2005, y foi baltada'l 1 de xunu de 2006. La catedral ta siendo amodo reconstruyida y la recaldación de fondos sigue a nivel llocal ya internacional.

Galería editar

Clima editar

Iqaluit tien un clima árticu, a pesar de que ta fora del círculu polar árticu, con iviernos desaxeradamente fríos y branos tan curtios y xelizos que resulten demasiáu fríos pa dexar la crecedera de los árboles. Por tales motivos, el so aeropuertu foi escoyíu como destín pa probar la resistencia d'un prototipu del Airbus A350.

   Parámetros climáticos permediu d'Iqaluit  
Mes Xin Feb Mar Abr May Xun Xnt Ago Set Och Pay Avi añal
Temperatura máxima media (°C) -22.8 -23.3 -18.3 -9.4 -1.2 6.8 12.3 10.5 5.2 -1.0 -8.3 -12.8 -5.6
Temperatura media (°C) -26.9 -27.5 -23.2 -14.2 -4.4 4.1 8.2 7.1 2.6 -3.7 -12.0 -17.3 -9.3
Temperatura mínima media (°C) -30.9 -31.7 -28.1 -18.9 -7.6 3.3 3.6 4.7 -0.1 -6.4 -15.8 -21.5 -13.1
Temperatura mínima absoluta (°C) -60 -62 -52 -34 -14 0.5 1.1 3.6 -12.0 -27.1 -49.9 -55 -62
Precipitación total (mm) 19.7 18.7 18.7 27.5 29.2 33.0 51.9 69.5 55.2 33.3 27.2 19.9 403.7
Lluvia (mm) 0.0 0.0 0.0 0.2 3.1 23.8 51.9 68.6 42.2 6.8 0.6 0.0 197.2
Nevaes (cm) 21.7 21.0 21.6 31.5 27.6 9.3 0.0 0.9 13.2 29.4 29.7 23.4 229.3
Díes de precipitaciones (≥ 0.2 mm) 11.4 11.1 11.8 13.1 12.0 10.9 12.5 15.3 15.0 14.0 13.2 12.2 152.2
Díes de lluvia (≥ 0.2 mm) 0.0 0.1 0.0 0.3 1.4 7.4 12.7 16.7 10.6 2.2 0.3 0.0 51.6
Díes de nevaes (≥ 0.2 cm) 12.2 11.6 12.7 13.4 12.0 3.9 0.1 0.5 7.2 13.7 13.8 12.3 113.5
Hores de sol 32.4 94.0 172.2 216.5 180.5 200.2 236.8 156.8 87.9 51.4 35.6 12.6 1476.8
Humedá relativa (%) 65.3 64.6 65.4 72.8 76.4 72.6 69.4 72.6 75.6 78.1 76.6 71.5 71.7
Fonte: Environment Canada Canadian Climate Normals 1981–2010[5]

Ver tamién editar

Referencies editar

  1. Afirmao en: Censo de Canadá 2021.
  2. censu de población
  3. Statistics Canada 2011
  4. Statistics Canada (8 de febreru de 2012). «Population and Dwelling Count Highlight Tables, 2011 Census» (inglés). Consultáu'l 8 de febreru de 2012.
  5. «Iqaluit A». Canadian Climate Normals 1981–2010. Environment Canada. Consultáu'l 24 de febreru de 2014.

Enllaces esternos editar