Islla Cocos
Islla Cocos o Islla Dano[1] (en chamorru: Islan Dånon; n'inglés: Cocos Island) ye una islla asitiada a una milla (1,6 quilómetros) de la punta sur del territoriu de Guam, que s'atopa dientro de la Barrera de Coral Merizo, y ye parte de la municipalidá de Merizo.[2]
| Islla Cocos | |
|---|---|
 | |
| Situación | |
| País |  Estaos Xuníos |
Área insular (es)  |  Guam |
| Ciudad (es) | Malesso (es) |
| Tipu | islla |
| Parte de | Islles Marianes |
| Asitiáu en | Océanu Pacíficu |
| Coordenaes | 13°14′10″N 144°38′56″E / 13.2361111°N 144.6488889°E |
  Islla Cocos Islla Cocos (Guam) | |
| Datos | |
| Superficie | 0,386 km² |
| Población | 0 |
| Llonxitú | 1,6 km |
 | |
La islla, despoblada, tien un llargor de 1600 m en direición suroeste-nordeste y un anchor d'ente 200 y 300 m, con una superficie total de 386.303 m² (0,38 km²).[3] Asítiase sobre'l cantu del petón de coral del suroeste, na Llaguna de Cocos.
La mariña oeste de la islla ye parte d'un complexu hoteleru. El llau este ye parte de les tierres propiedá pública del Sistema de Parques Territoriales. Puede llegase a ella per barcu dende la población de Merizo, na islla principal de Guam.
Na dómina de dominiu español la islla yera propiedá de Ignacio Mendiola de la Cruz. A finales de la década del 1920 el gobiernu d'Estaos Xuníos adquirió dos terceres partes de la islla, y a mediaos de la década siguiente Ignacio Mendiola vendió'l terciu restante a un empresariu nomáu Gottwald. Na islla hebo, de 1944 a 1963, una estación de control de la navegación de la Guardia Costera d'Estaos Xuníos, y de magar primeros de la década de 1990 el gobiernu d'Estaos Xuníos cedió-y la propiedá de la so parte de la islla al gobiernu de Guam, que convirtiólu nel parque que ye anguaño.
Prebes feches na islla pol exércitu d'Estaos Xuníos amosaronniveles de contaminación de PCB (bifenilos policloraos) 4900 vegaes mayores que los recomendaos. Once de les doce especies de pexe a los que se-yos sacaron muestres teníen niveles altos de PCB, d'hasta 265 vegaes perriba del nivel recomendáu. La contaminación, que se supón ye derivada de los tresformadores y otros equipamientos llétricos de la estación de control de navegación, nun fora midida anantes d'esa vez. De resulta de los análisis el gobiernu de Guam alvirtió a la población de que nun comiera pexe pescáu na llaguna
Referencies
editar- ↑ «Archived copy». Archiváu dende l'orixinal, el 2009-09-19.
- ↑ «Archived copy». Archiváu dende l'orixinal, el 2010-12-21.
- ↑ http://userwww.sfsu.edu/~parker/bio840/pdfs/StudentPapers2011/DashiellHarwood/BrownTreeSnake.pdf
Datos: Q1105476
