Islla Eva-Liv
La islla Eva-Liv (rusu: Остров Ева-Лив, Ostrov Yeva-Liv), alternativamente denominada como islla Yeva-Niv, y tamién conocida como islla Eva, ye la islla más septentrional de la Tierra de Franciscu Xosé, Óblast d'Arcánxel, nel árticu rusu.
| Islla Eva-Liv | |
|---|---|
 | |
| Situación | |
 | |
| País |  Rusia |
| Óblasts | Óblast d'Arcánxel |
| Tipu | islla |
| Parte de | Tierra de Bélaya |
| Asitiáu en | Océanu Glacial Árticu |
| Coordenaes | 81°38′N 63°06′E / 81.63°N 63.1°E |
  Islla Eva-Liv Islla Eva-Liv (Rusia) | |
| Datos | |
| Altitú media | 381 m |
| Superficie | 288 km² |
| Población | 0 |
| Noamáu por | Eva Nansen |
| Fusu horariu | UTC+04:00 |
| Llonxitú | 28 km |
 | |
Historia
editarL'área onde s'atopa la islla Eva foi nomada Hvidtenland (Tierra Blanca) por Fridtjof Nansen, que llegó a la mariña de la islla Eva'l 5 d'agostu de 1895, mientres la so espedición polar con Hjalmar Johansen, que terminó en Tierra de Franciscu Xosé.[1] Nel so mapa dibuxó dos islles y nomó la más grande del este de la islla Eva n'honor a la so esposa Eva Nansen (nacida en 1907). La "islla" al oeste, que Nansen algamó dos díes más tarde, foi nomada "Islla Liv".[2]
Esti ye'l puntu del archipiélagu de Franciscu Xosé que'l navegante rusu Valerian Albanov de la nomada espedición Brusilov, trataba d'algamar cuando partió del Svyataya Anna con parte de la tripulación. Albanov, sicasí, terminó hasta'l suroeste en la Tierra d'Alexandra.
-
Mapa orixinal de la ruta tomada por Nansen y Johansen mientres la so espedición del Polu Norte de 1895-96. -
Mapa del viaxe de Nansen y Johansen al traviés del archipiélagu. Agostu de 1895 a xunu de 1896.
Xeografía
editarLa islla Eva tien más o menos forma de conexu y la so superficie ye de 288 km². El promontoriu más occidental ye'l cabu Kyuv, y el más septentrional ye'l Cabu Mesyatsev. El mar qu'arrodia la islla ta xeláu la mayor parte del añu.
Dáu que la llende de xelu permanente crucia Bélaya Zemlya, de cutiu ye difícil estremar ente tierra y mar. Sicasí, a midida que la cartografía del archipiélagu de Franciscu Xosé tornóse más precisa, quedó evidente que "Islla Liv" yera namás una península nel estremu oeste de la Islla Eva. Por tanto, dellos mapes menten "Eva-Liv Island", una combinación de dambos nomes. La badea formada pola área del istmu nel llau norte ye Bukhta Kapriznaya.
Cúpules de xelu
editarLa islla Eva ta totalmente cubierta por (Kupol Vostok Chetviortyy- Cupol Восток Четвёртый), una cúpula de xelu qu'algama nel so cume unos 382 m, y que ye tamién el puntu más altu de la islla.[3]
La península de Liv ta cubierta por una cúpula de xelu más pequeña llamada Kupol Vostok Tretiy (Tercer Cúpula Oriental).[4]
Islles axacentes
editarEl grupu fuertemente glaciáu formáu pola islla Eva y les sos dos islles pequeñes axacentes (Freeden y Adelaide) entá ye conocíu en rusu como Белая Земля (Bélaya Zemlya), tamién que significa "Tierra Blanca", calteniendo asina'l nome orixinal de Fridjof Nansen.
Bélaya Zemlya ta dixebrada del grupu principal de Franciscu Xosé por un estrechu de 45 quilómetros (27,96170364 mi) km conocíu como Proliv Severo Vostochnyy. La islla Eva ye la más septentrional del grupu.
Islla Adelaida
editarA pocos kilómetros al suroeste alcuéntrase la pequeña islla d'Adelaida (Остров Аделаиды), nomada n'honor de la princesa Adelheid de Hohenlohe-Langenburg. Tien unos 2 km de llargor.
Islla Freeden
editarLa islla de Freeden o la islla de Freden (Остров Фреден), ye una islla de forma ovalada más grande, tien un llargor de 8,2 km atópase a 2,5 al sur de la islla d'Adelaida. Esta islla recibió'l so nome n'honor a Wilhelm von Freeden, fundador del Observatoriu Naval del Norte d'Alemaña (Norddeutsche Seewarte).[5]
Referencies
editar- ↑ Fridtjof Nansen's early map
- ↑ «Sumese una península na islla Eva-Liv, (n'inglés)». Archiváu dende l'orixinal, el 2023-06-14.
- ↑ Kupol Vostok Chetvërtyy: Russia, (n'inglés)
- ↑ «Ostrov Yeva-Liv». Mapcarta. Consultáu'l 6 d'ochobre 2016.
- ↑ «Ostrov Fredena». Mapcarta. Consultáu'l 6 October 2016.