Islla Redonda (Antigua y Barbuda)
Redonda ye una pequeña islla o castru despobláu nes islles de Barloventu y que forma parte, como dependencia, d'Antigua y Barbuda, teniendo pocu más de 1,6 km².
| Islla Redonda | |
|---|---|
 | |
| Alministración | |
| Estáu federáu |  Antigua y Barbuda |
| ISO 3166-2 | AG-11 |
| Tipu d'entidá | islla |
| Nome llocal | Redonda (en) |
| Xeografía | |
| Coordenaes | 16°56′18″N 62°20′42″W / 16.9383°N 62.345°O |
.svg) | |
| Superficie | 1.5 km² |
| Demografía | |
| Población | 0 hab. (2018) |
| Densidá | 0 hab/km² |
| Más información | |
| Estaya horaria | UTC−04:00 |
| Fundación | 1967 |
 | |
Historia
editarNel so segundu viaxe al Nuevu Mundu, Cristóbalo Colón afayó la islla y bautizola como Santa María la Redonda. Acordies colo escrito pol so fíu Hernando Colón na so Vida del Almirante los indíxenes llamábenla Ocamaniro. Sicasí, como la islla yera un peñón de pocu más d'un Quilómetru cuadráu, nun representaba nengún interés pa les potencies arreyaes na colonización d'América y, por sieglos foi abellugu de corsarios.
L'interés pola islla empezó a finales del sieglu XIX cuando'l Reinu Xuníu la anexonó a les sos posesiones en 1872 -tarreciendo que los estauxunidenses lo ficieran primeru- en busca d'esplotar el fosfatu d'alúmina qu'abonda na islla y que ye producíu por guanu de alcatraces. Sicasí, la islla fuera reclamada pol banqueru irlandés afincáu na islla vecina de Montserrat, Matthew Dowdy Shiel en 1865 pa celebrar la nacencia del so primer fíu varón, Matthew Phipps Shiell, a quien coronó como rei de Redonda en 1880 nuna ceremonia presidida pol obispu d'Antigua. Mientres años los Shiell oxetaron la posesión de la islla ante la Oficina Colonial Británica ensin ésitu, anque se-yos dexó siguir usando'l títulu real. Anguaño'l Reinu de Redonda ye per un sitiu un xuegu lliterariu y el monarca actual ye l'escritor español Javier Marías, pero por otru hai quien reclama'l títulu como verdaderu, el casu más notable ye'l de William Leonard Gates, quien se autonombra rei Leo.
Redonda tuvo habitada en formando parte del Imperiu británicu por cuenta de la esplotación de los depósitos de fosfatu, que la so estracción añal rondaba les 7,000 tonelaes. En 1901 la población de la islla constaba de más o menos 120 persones, pero foi desocupada dende la Primer guerra mundial y permaneció asina dende entós.
Referencies
editarEnllaces esternos
editar
Wikimedia Commons tien conteníu multimedia tocante a Islla Redonda (Antigua y Barbuda).
