Islla Somerset

La islla Somerset (Somerset Island), ye una de les mayores islles del Archipiélagu árticu canadiense, dixebrada unos 2 km de la península de Boothia pol estrechu de Bellot, na rexón Qikiqtaaluk del territoriu de Nunavut. Tien una superficie de 24.786 km² (45ª del mundu y 12ª de Canadá por estensión). Ta despoblada.

Islla Somerset
Alministración
País	Canadá
Territorio (es)	Nunavut
Tipu d'entidá	islla
Xeografía
Coordenaes	73°15′N 93°30′W
Islla Somerset Islla Somerset (Canadá)
Superficie	24786 km²
Demografía
Población	0 hab.
Porcentaxe	0% de Nunavut
Densidá	0 hab/km²

Alredor del añu 1000, la mariña norte de la islla de Somerset taba habitada pol pueblu thule, como queda demostráu polos güesos de ballena, los túneles y ruines de piedra. A finales de 1848, James Clark Ross, al mandu de dos barcos, aportó a  Puertu Leopoldo, na mariña nordeste pa pasar l'iviernu. N'abril del añu siguiente empecipió una esploración de la islla en trinéu.

En 1937, el fuerte comercial Fort Ross (72°0′34″N 94°14′8″W 72°0′34″N 94°14′8″W / 72°0′34″N 94°14′8″W, 72°0′34″N 94°14′8″W) foi establecíu pola Compañía de la Badea de Hudson nel sureste de la islla. Pero once años más tarde foi cerráu por causa de les severes condiciones del xelu, que lo faíen antieconómico y de mal accesu. Esto dexó la islla despoblada. L'almacén tienda y la casa del alministrador inda s'usen como abellugu de los inuit de Taloyoak, qu'alleguen a cazar caribús.

Por cuenta de les ruines, a la vida montesa y al fácil accesu dende la llocalidá de Resolute, la mariña norte de la islla convirtióse nun popular destín turísticu.

Nel branu de 2006, la serie "The National" de la CBC Television visitó Fort Ross nel ruempexelos de la Guardia Costera "CCGS Louis S. St-Laurent", nuna serie especial que se centró nel cambéu climáticu.

Notes y referencies

• Datos: Q212219
• Multimedia: Somerset Island