Jeffrey Jones (actor)
Jeffrey Duncan Jones (28 de setiembre de 1946, Buffalo) ye un actor d'Estaos Xuníos. Trabayó en delles películes y series de televisión, y ye conocíu por papeles como l'emperador Xosé II en Amadeus de Miloš Forman, Charles Deetz en Beetlejuice y Edward R. Rooney en Ferris Bueller's Day Off.
Jeffrey Jones | |
|---|---|
 | |
| Vida | |
| Nacimientu | Buffalo, 28 de setiembre de 1946[1] (77 años) |
| Nacionalidá |
 Estaos Xuníos |
| Residencia | Los Angeles |
| Llingua materna | inglés |
| Estudios | |
| Estudios |
Universidá Lawrence London Academy of Music and Dramatic Art The Putney School (en)  |
| Llingües falaes | inglés[2] |
| Oficiu | actor de teatru, actor de cine, actor de televisión, actor |
| IMDb | nm0000470 |
 | |
Primeros años editar
Nació en Buffalo, Nueva York, fíu de Ruth Schooley, una historiadora d'arte que lo afaló por que se dedicara a l'actuación, y Douglas Bennett Jones, quien morrió mientres la so niñez.[3][4] En 1969 Jones treslladóse a Londres pa estudiar na Academia de Música y Arte Dramático y dempués estudió mientres tres años nel Teatru Stratford d'Ontario, Canadá.
Carrera editar
Jones empezó a actuar faciendo pequeños papeles en cine y televisión mientres la década de 1970. Consiguió un papel secundariu na película Easy Money (1983) de Rodney Dangerfield, y un papel como convidáu na serie Remington Steele dexó-y reemplazar a Ian Richardson na adautación de la obra de Peter Shaffer, Amadeus (1984) de Miloš Forman, interpretando al emperador Xosé II d'Habsburgu; recibió una nominación al premiu Globu d'Oru como meyor actor de repartu. Otru de los sos papeles notables foi'l de Edward R. Rooney en Ferris Bueller's Day Off.
Jones trabayó regularmente col direutor Tim Burton, en Beetlejuice, Ed Wood y Sleepy Hollow. Otres de les sos películes importantes son The Hunt for Red October, Howard the Duck, The Devil's Advocate, Stuart Little y Ravenous.
Jones foi convidáu en dellos shows de televisión, ente ellos: Amazing Stories, Tales from the Crypt y Escuela Wayside. En 1989 protagonizó la sitcom The People Next Door de Wes Craven, onde interpretaba a un dibuxante que la so imaxinación podía faer que les coses cobraren vida. Tamién fixo del famosu editor del diariu A.W. Merrick na serie de HBO Deadwood.
Vida privada editar
Arrestu y condena editar
En 2003, Jones foi arrestáu por posesión de pornografía infantil y por dar emplegu a un mozu de 14 años por que pose en fotografíes pornográfiques.[5][6][7] Por un pidimientu, el cargu de posesión de pornografía infantil foi retiráu, y Jones nun refugó los cargos por inducir a un menor a posar pa fotografíes esplícites. Foi sentenciáu a un periodu de prueba de cinco años, y ordenar asistir a terapia y rexistrase como agresor sexual.[8][9] En xunetu de 2004, foi arrestáu pola policía de Florida dempués de nun echar# voz del so cambéu de residencia como ordenen les lleis d'esi estáu.[10] En 2004, dempués de que'l menor pasó a ser adultu, este llevó a cabu un xuiciu civil contra Jones,[11] el cual foi tornáu nueve díes dempués.[12]
Referencies editar
- ↑ Afirmao en: Internet Broadway Database. Identificador de persona d'Internet Broadway Database: 73878. Apaez como: Jeffrey Jones. Data de consulta: 9 ochobre 2017. Llingua de la obra o nome: inglés.
- ↑ «idRef» (francés). Agencia Bibliográfica de Enseñanza Superior. Consultáu'l 5 marzu 2020.
- ↑ Jeffrey Jones Biography. Film Reference.com.
- ↑ Jeffrey Jones. Yahoo! Movies.
- ↑ Florida Department of Law Enforcement
- ↑ Jeffrey Jones Sex Offender Bust. The Smoking Gun.
- ↑ Ferris Bueller star denies porn charges. BBC News. 22 November 2002.
- ↑ "Actor Gets Probation for Inducing Boy to Pose Nude", Los Angeles Times, July 9, 2003, p. 4.
- ↑ Jeffrey Jones Pleads Non Contest to Porn Charges. ContactMusic.com. 7 September 2003.
- ↑ Shamed Actor Charged with Failing to Register on Sex List. ContactMusic.com. 7 May 2004.
- ↑ «Actor Hit With Teen Sex Suit». The Smoking Gun. Consultáu'l 22 de marzu de 2009.
- ↑ Search on BC323446 at http://www.lasuperiorcourt.org shows "11/03/2004 Request and Entry of Dismissal (W/P ENTIRE ACTION OF ALL CAUSES AND ALL PARTIES) Filed by Attorney for Pltf/Petnr."
Enllaces esternos editar
- Jeffrey Jones na Internet Movie Database (n'inglés)
Datos: Q377662
Multimedia: Jeffrey Jones
