Jesús María Amilibia
Jesús María Amilibia Iraragorri (1943, Bilbao) ye un periodista español.
Jesús María Amilibia | |
|---|---|
| Vida | |
| Nacimientu | Bilbao, 1943[1] (80/81 años) |
| Nacionalidá |
 España |
| Familia | |
| Casáu con |
Ketty Kaufmann (es)  [2] |
| Estudios | |
| Llingües falaes | castellanu |
| Oficiu | presentador de televisión, periodista |
| Emplegadores | Televisión Española |
 | |
Prensa escrita
editarEntamó na carrera periodística nel Diariu Pueblu . Darréu, escribió n'otros periódicos como El Imparcial, Informaciones y ABC. Especializáu en crónica social, foi collaborador habitual nes revistes d'esi xéneru destacando ¡Hola!, Semana, Diez Minutos, anque tamién escribió n'Interviú y en publicaciones satíriques como La Codorniz o Hermano Lobo. Anguaño[¿cuándo?] escribe nel periódicu La Razón.
Radio
editarAmilibia foi unu de los periodistes qu'inauguró la programacíón de la cadena Antena 3 Radio y al pie de Felipe Navarro (Yale) presentó'l magazín diariu Gente simpática (1982-1984), que se convierte n'unu de los programes más destacaos de la emisora.
En 1988 incorporarase a Protagonistas l'espaciu de Luis del Olmo, sustituyendo a Jesús Mariñas na cobertoria de la información rosa. Namái permaneció unes selmanes por cuenta de los sos posteriores problemes cola Xusticia.
Televisión
editarEn 1981 punxo en marcha'l primer programa de televisión dafechu dedicáu a informar sobre l'actualidá de los famosos (lo que se dio en llamar Prensa del corazón), con un títulu que yá anunciaba'l que sería futuru desenvolvimientu del periodismu de cotilleos: Bla, bla, bla de TVE, y que presentó con Marisa Abad ente 1981 y 1983.
Darréu, en 1985 collabora con Pedro Macía presentando la seición de sociedá nel programa que s'emitía en toa Hispanoamérica Puntu d'alcuentru.
En 1997 compartió plató con Mayra Gómez Kemp en 7 de corazones, un programa de la TV llocal de Madrid Canal 7.
Nos últimos años collaboró en conxustes y alderique sobre crónica social en distintos programes de televisión, como Hormigas blancas (2007), de Jorge Javier Vázquez en Telecinco.
Otros datos
editar- En 1976 foi procesáu por Xulgáu d'Instrucción Decanu Especial de Prensa ya Imprenta xunto al periodista Felipe Navarro (Yale) pol so llibru El día que perdí aquello, nel que distintos personaxes famosos narraben les sos esperiencies sexuales de forma esplícita.
- El 28 d'ochobre de 1988, de resultes d'un discutiniu provocáu por un incidente automovilísticu, Amilibia disparó contra'l conductor del otru vehículu, un camareru, al que mancó gravemente provocando finalmente la so muerte. El periodista ingresó en prisión y foi condergáu por homicidiu a 17 años de cárcel pola Audiencia Provincial de Madrid. En 1994 salió en réxime abiertu.
Llibros publicaos
editar- El día que perdí... aquello (1975), con Yale.
- Los fantasmas de barro (1975).
- Españoles todos (1978).
- Yo, periodista (1979).
- La Pacheca, furcia y mártir (1982).
- Estamos rodeados (1988).
- El hombre atado (1990).
- El barbero de FILESA (1993).
- Cartas de amor a Mario Conde (1993).
- ¡¡Gora Stalin!!, el gudari cojo (2002).
- El gallo del franquismo (2004), sobre el periodista Emilio Romero.
- Atados a la columna (2005).
- El amigo de Jack Nicholson (novela) (2005).
- Érase una vez un príncipe republicano (novela) (2012).
Referencies
editar- ↑ «rexistru d'autoridaes BNE». Consultáu'l 27 xunu 2020.
- ↑ URL de la referencia: http://www.vanitatis.elconfidencial.com/television/2017-06-05/muere-ketty-kauffman-colaboradora-tombola-cronista-corazon_1394312/.
Datos: Q5930366
