Joaquín Vaquero Palacios
Joaquín Vaquero Palacios (9 de xunu de 1900, Uviéu – 28 d'ochobre de 1998, Madrid) foi un arquiteutu y pintor asturianu. El so fíu, Joaquín Vaquero Turcios, tamién foi artista (pintor, escultor y arquiteutu).
Joaquín Vaquero Palacios | |
|---|---|
| Vida | |
| Nacimientu | Uviéu, 9 de xunu de 1900[1] |
| Nacionalidá |
 España |
| Muerte | Madrid, 28 d'ochobre de 1998[2] (98 años) |
| Familia | |
| Fíos/es | Joaquín Vaquero Turcios |
| Estudios | |
| Estudios | Universidá Politéunica de Madrid |
| Llingües falaes | castellanu |
| Oficiu | arquiteutu, pintor |
| Llugares de trabayu | Italia |
| Premios |
ver
|
| Miembru de | Real Academia de Belles Artes de San Fernando |
 | |
Biografía
editarPasa la so mocedá n'Uviéu, onde vivía na cai Paraíso. Acaba el bachilleratu y darréu treslládase a Madrid pa ingresar en 1921 na Escuela d'Arquiteutura de Madrid, y enantes de terminar la carrera fai delles esposiciones n'indidivuales en París y Nueva York. Una vez convertíu n'arquiteutu incorpórase al estudiu que'l so cuñáu, Francisco Casariego, tien n'Uviéu.
Durante un tiempu (1950 - 1965) vive en Roma trabayando na Academia Española de Belles Artes, de la que llega a ser direutor, nesti tiempu dedícase dafechu a la pintura. En 1969 nómenlu miembru de la Real Academia de Belles Artes de San Fernando.
Como pintor, los temes que más-y prestaben yeren el paisaxe y l'arquiteutura de los pueblos de Castiella y Asturies, asina como l'arquiteutura de les ruines romanes, les pirámides d'Exiptu o los poblaos de los indios americanos. Cuando pintaba figures humanes, éstes taben integraes na grandiosidá del paisaxe. El cielu, la tierra y el mar teníen una importancia grande na so obra.
Obres
editarEnte los sos proyeutos arquiteutónicos podemos indicar los siguientes:
- Uviéu
- Institutu Nacional de Previsión
- Sede de la empresa Hidrocantábrico
- Colexu Mayor América
- Fábrica de Gas
- Grandas de Salime
- Proaza
- Central hidroeléctrica de Proaza o saltu de Proaza.
- Santiago de Compostela
- Mercáu d'abastos
- Venecia
Pintures
editar- 1925, Entierro en Madrid. Oleu sobro cartón, 46 x 38 cm
- 1930, El Campillin. Oleu sobro llenzu, 81 x 65 cm
- 1940, Playa de Zarauz
- 1940, Surcos. Oleu sobro llenzu, 65 x 81 cm
- ca. 1942, Antillanas. Oleu sobro llenzu, 100 x 80 cm
Premios y reconocimientos
editar- Primera Medaya d'Arquiteutura de la Esposición Nacional (1930)
- Primera Medaya de Belles Artes na Esposición Nacional (1952)
- Medaya d'Oru de l'Arquiteutura (1996)
- Académicu de númberu de la Real Academia de Belles Artes de San Fernando de Madrid
Referencies
editar- ↑ Data de consulta: 22 agostu 2017. URL de la referencia: https://rkd.nl/explore/artists/79433.
- ↑ Afirmao en: Diccionario biográfico español. Identificador DBE: 4949/joaquin-vaquero-palacios. Apaez como: Joaquín Vaquero Palacios. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ URL de la referencia: https://transparencia.oviedo.es/normativa-e-informes/honores-y-distinciones-municipales/hijos-predilectos.
Enllaces esternos
editar
Datos: Q3326735
