José Rafael Bustamante
José Rafael Bustamante Cevallos foi un políticu y escritor ecuatorianu nacíu'l 19 d'agostu de 1881 en Quitu, fíu del Sr. Rafael Bustamante Sánchez y de la Sra. Josefina Cevallos y Cevallos.
José Rafael Bustamante | |||
|---|---|---|---|
 | |||
| |||
| Vida | |||
| Nacimientu | Quitu, 19 d'agostu de 1881 | ||
| Nacionalidá |
 Ecuador | ||
| Muerte | Quitu, 14 d'abril de 1961 (79 años) | ||
| Familia | |||
| Casáu con | Hipatia Cárdenas de Bustamante | ||
| Oficiu | políticu, escritor | ||
 | |||
Biografía editar
“Vástago de pernomada familia, recibió esmerada formación educativa. Estudió na Universidá Central, desempeñando na so brillosa carrera pública cargos y funciones de méritu, como ser: Diputáu, Senador, Decanu de la Facultá de Filosofía y Lletres de la Universidá Central de Quitu, Ministru de Gobiernu, Embaxador en Chile, Ministru de Rellaciones Esteriores…” (F. y L. Barriga López.- Diccionariu de la Lliteratura Ecuatoriana)
Foi un filósofu que fizo honor a les lletres del Ecuador, anque la so bibliografía namái s'amenorga a dos obres de méritu: “Pa Matar el Viérbene” (novela) y “Considerancies sobre la Llibertá” (Filosofía de la Llibertá).
En 1921 ingresó a l'Academia Ecuatoriana de la Llingua, lleendo “La Claridá de la Elocución”, discursu en prosa d'innegable valor que foi publicáu esi añu nes Memories” de l'Academia.
El Dr. José Rafael Bustamante morrió na so ciudá natal, el 14 d'abril de 1961.
Vida pública editar
Foi unu de los integrantes de la Xunta de Gobiernu Plural que llegó al poder de resultes de la Revolución Xuliana qu'en 1925 punxo fin al gobiernu del Dr. Gonzalo S. Córdova. Nesti réxime -que s'estendió dende'l 9 de xunetu de 1925 hasta'l 9 de xineru de 1926- participaron tamién pervalibles figures de la dómina como Luis Napoleón Dillon, Pedro Pablo Garaicoa, Francisco Arízaga Luque, Francisco J. Boloña y el Xeneral Francisco Gómez de la Torre.
Ente 1932 y 1933 foi Presidente del Congresu Nacional al presidir el Senáu.
Darréu tocó-y actuar como Vicepresidente de la República, dende'l 18 de setiembre de 1947 hasta'l 31 d'agostu de 1948, mientres el gobiernu del señor Carlos Julio Arosemena Tola
Referencies editar
Enllaces esternos editar
Wikimedia Commons acueye conteníu multimedia sobre José Rafael Bustamante 
.
Datos: Q56333975- Multimedia: José Rafael Bustamante
