Julián Ayesta
Julián Ayesta Prendes (14 de setiembre de 1919, Xixón – 16 de xunu de 1996, Somió) foi un escritor, dramaturgu y diplomáticu asturianu. Foi collaborador de les delles revistes lliteraries de la posguerra, como Revista Garcilaso, Acanto, Fantasía o Juventud.
Julián Ayesta | |||
|---|---|---|---|
11 abril 1984 - 11 abril 1986 | |||
| Vida | |||
| Nacimientu | Xixón, 14 de setiembre de 1919[1] | ||
| Nacionalidá |
 España | ||
| Llingua materna | castellanu | ||
| Muerte | Somió[2], 16 de xunu de 1996[1] (76 años) | ||
| Familia | |||
| Padre | Julián Ayesta Manchola | ||
| Estudios | |||
| Llingües falaes | castellanu[3] | ||
| Oficiu | diplomáticu, escritor | ||
| Premios |
ver
| ||
 | |||
_GC.svg){kind=small}
Biografía editar
Nacíu nel senu d'una conocida familia asturiana, llicencióse en Derechu y en Filosofía y Lletres, y en 1947 ingresó na Carrera Diplomática. Nesti ámbitu ocupó diversos cargos en distintes llegaciones en Beirut, Bogotá, Ámsterdam, Viena y l'antigua Yugoslavia, na que foi Embaxador d'España -l'únicu embaxador español, yá que antes nun esistíen rellaciones diplomátiques y dempués desfíxose l'Estáu yugoslavu-.
Obres editar
Foi autor de diverses obres de teatru, tales como A cencielles asina (1943), El cobarde Serafín (1943), La ciudá alloñada (1944) y El fusilamiento de los zares (1961), ente otres.
La so obra más conocida ye la curtia novela Helena o el mar del verano (primer edición: Ínsula, 1952; reeditada depués por Ediciones Arión, 1958; Seix Barral, 1974; Sirmio, 1987; Planeta, 1996; y El Cantil, 2000, con numberoses reimpresiones posteriores), "un llibru llenu de gracia y de frescura", según escribió José Luis Cano. La novela, única obra de narrativa del autor, foi traducida al francés (1992), al alemán (2004), al griegu (2005), al holandés (2006), al inglés (2008) y al italianu (2009).
Póstumamente publicáronse dos llibros con testos sos: Cuentos (Valencia, Pre-Testos, 2001) y Dibuxos y poemes (Madrid, Trotta, 2003), n'ediciones preparaes por Antonio Pau.
Una selección de los sos rellatos fueron recoyíos na Antoloxía del cuentu de posguerra, de Medardo Flaire (Madrid, 1994) y na Antoloxía de cuentistes españoles, de Francisco García Pavón (Madrid, 1984).
Referencies editar
- ↑ 1,0 1,1 Afirmao en: Diccionario biográfico español. Identificador DBE: 38969/julian-ayesta-prendes. Apaez como: Julián Ayesta Prendes. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ URL de la referencia: http://www.biblioasturias.com/julian-ayesta-o-el-mar-del-verano/.
- ↑ Identificador CONOR.SI: 200537955. Afirmao en: CONOR.SI.
- ↑ Identificador del Boletín Oficial del Estado: BOE-A-1973-43224.
Enllaces esternos editar
Datos: Q5955981
