Julián Berrendero
Julián Berrendero Gil (8 d'abril de 1912, San Agustín del Guadalix – 1 d'agostu de 1995, Madrid), moteyáu "el negru de los güeyos azules", foi un ciclista español, profesional ente 1935 y 1949, periodu nel que llogró 79 victories ente les que destaquen dos trunfos absolutos y once victories d'etapa llograes na Vuelta a España, la etapa y la clasificación del monte llográu nel Tour de Francia, y tres trunfos nel Campeonatu d'España de ciclismu en ruta.
Julián Berrendero | |
|---|---|
 | |
| Vida | |
| Nacimientu | San Agustín del Guadalix, 8 d'abril de 1912[1] |
| Nacionalidá |
 España |
| Muerte | Madrid, 1 d'agostu de 1995[1] (83 años) |
| Estudios | |
| Llingües falaes | castellanu |
| Oficiu | |
| Oficiu | ciclista, ciclista de ciclocrós |
|
| |
|
Participante
| |
 | |
Yera tíu del tamién ex-ciclista profesional José Berrendero.
Biografía
editarEn 1932 foi'l vencedor del V.C. Portillo, carrera pa ciclistes de 3ª categoría y principiantes entamada pol Velo Club Portillo.[2]
En 1935 foi'l vencedor de la Vuelta a Castiella, Vuelta a Galicia y el Gran Gran Premiu de Éibar, según terceru y primer español na Vuelta al País Vascu, ganada aquel añu pol campeonísimo italianu Gino Bartali.
En 1936 foi'l primer español na Vuelta a España, ganada pol belga Gustaaf Deloor, debutó nel Tour de Francia siendo'l Rei del Monte en la ronda gala na so primer participación. Julián impresionó de sobremanera al públicu francés pol so gran poderíu nel monte. Foi 15ᵘ nel Tour de Francia de 1937.
Mientres los años que duró la Guerra Civil Española, Berrendero moró en Francia, instalóse cerca de Pau y tuvo compitiendo nel equipu francés France-Sport con ensame de trunfos en carreres d'un día.
En 1937 corrió per segunda vegada'l Tour de Francia dando un auténticu recital d'escalador na 15ª etapa Luchon-Pau, xornada considerada la etapa reina del Tour, onde se xubíen los puertos del Peyresourde, Aspin, Tourmalet y Aubisque que Berrendero ganó con 2 minutos de ventaya sobre los sos rivales.
Cuando volvió a España, porque echaba de menos a la familia, al cruciar la frontera foi deteníu y unviáu un añu a un campu de concentración en Rota (Cádiz).
Dempués de la Guerra Civil, Julián retomó la bicicleta volviendo competir mientres dellos años. Destaquen los trunfos nes Vueltes a España de 1941 y 1942. Tamién foi 2ᵘ en 1945 y 1946, 4ᵘ en 1936 y 6ᵘ en 1947, vencedor del monte de la 1942 y 1945, trés campeonato d'España de fondu en carretera, dos veces campeón d'España de ciclocross, dos Volta a Cataluña, etc.
En 1948 apostando la Vuelta a España, tuvo que retirase pola murnia noticia del fallecimientu del so padre, conocíu nel mundu del ciclismu como "Tíu Martín".
Vuelve dempués al Tour de Francia y por una avería del so compañeru d'equipu Dalmacio Langarica, lleguen fora de control y foi-yos retirada la llicencia a tol equipu polos federativos d'entós con estes pallabres: "Que fuelguen un añu".
El llamatu de "El Negru de los Güeyos Azules" ye por cuenta del so tez morica y del contraste colos sos güeyos claros.
Ta consideráu como unu de los meyores ciclistes españoles de tolos tiempos.
Tal yera la so afición al ciclismu que creó un taller de bicicletes col so bon amigu Macario Llorente nel quilómetru 8 de la carretera de Francia, onde güei día s'alza la Residencia Sanitaria "La Paz" (Madrid).
Poco dempués acomuñóse con Manuel Real y fundaron la tienda de bicicletes "Berrendero y Real", qu'inda güei esiste col nome de "Bicicletes Berrendero", que pasó a manes del so sobrín Juan Berrendero y que s'atopa na actualidá na Glorieta Xeneral Álvarez de Castru en Madrid.
Finó'l 1 d'agostu de 1995 en Madrid, a los 85 años, xusto dos díes depués de recibir un homenaxe nel "Circuitu de Getxo", que ganara en dos causes.
Dexó bien bones alcordances y como dixo un periodista francés: "Tien el más bellu estilu de tolos escaladores, viéndo-y engatar maravía y xube meyor cuanto más dura sía la rimada”.
Palmarés
editar|
1935 1936
1937
1941
1942
|
1943 1944
1945
1946
1947
1948
1949
|
Resultaos en Grandes Vueltes y Campeonatu del Mundu
editar| Carrera | 1934 | 1935 | 1936 | 1937 | 1938 | 1939 | 1940 | 1941 | 1942 | 1943 | 1944 | 1945 | 1946 | 1947 | 1948 | 1949 |
|---|---|---|---|---|---|---|---|---|---|---|---|---|---|---|---|---|
| Giro d'Italia | - | - | - | - | - | - | - | X | X | X | X | X | - | - | - | - |
| Tour de Francia | - | - | 11ᵘ | 15ᵘ | 29ᵘ | - | X | X | X | X | X | X | X | - | - | Ab. |
| Vuelta a España | X | - | 4ᵘ | X | X | X | X | 1ᵘ | 1ᵘ | X | X | 2ᵘ | 2ᵘ | 6ᵘ | Ab. | - |
Mundial en Ruta 
|
- | - | - | - | - | X | X | X | X | X | X | X | - | - | - | - |
Referencies
editar- ↑ 1,0 1,1 Afirmao en: Diccionario biográfico español. Identificador DBE: 115009/julian-berrendero-espinosa. Apaez como: Julián. El negro de ojos azules Berrendero Espinosa. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ «Mundo Deportivo, 13 d'abril de 1932».
Bibliografía
editar- Mis glorias y memorias Julián Berrendero. Pérez del Hoyo. 1949.
Enllaces esternos
editar- Páxina oficial de Julián Berrendero, la tienda y l'equipu ciclista del mesmu nome
- Palmarés de Julián Berrendero (Urtekaria)
Datos: Q518572
Multimedia: Julián Berrendero
