Junts per Catalunya

Coalición Eleutoral en Cataluña

Junts per Catalunya (Xuntos por Cataluña n'asturianu) ye una coalición eleutoral española d'orixe catalán que ñaz en payares de 2017. Anguaño ye'l partíu que tien la presidencia de la Generalitat de Catalunya y que gobierna xunto con Esquerra Republicana de Catalunya.

Junts per Catalunya
Acrónimu JUNTSxCAT
Presidente Laia Canet Sarri
Fundación 13  de payares de 2017
Sede Barcelona
Estáu Bandera d'España España
Ideoloxía política Independentismu catalán, republicanismu, Europeísmu, sociolliberalismu y Lliberalismu
Posición nel espectru centrismu y Tercer vía
Páxina web www.juntspercatalunya.cat/
Cambiar los datos en Wikidata

HestoriaEditar

Junts per Catalunya ye una coalición eleutoral rexistrada por Converxencia Democrática de Cataluña[1] y el Partíu Demócrata Européu Catalán,[2] pero integrada tamién por persones independentes, con motivu de les Eleiciones al Parllamentu de Cataluña de 2017. Dempués de la Declaración d'Independencia de Cataluña del Parlament de Catalunya y la posterior activación del 'Artículu 155 de la Constitución española de 1978, Mariano Rajoy va convocar eleiciones autonómiques al Parllamentu.[3] Puigdemont s'exiliara en Bélxica y dellos conseyeros del Gobiernu de Cataluña taben en prisión preventiva acusaos de sedición y rebelión. Nesti escenariu, dellos dirixentes del Partíu Demócrata (Partit Demòcrata) -Artur Mas, Marta Pascal i David Bonvehí-,[4] tuvieron con Puigdemont en Bruxeles, onde esti va accedir finalmente a ser candidatu, con la condición que fore una llista que superase les sigles nacionalistes y que tuviere independientes.[3] Nun principiu Puigdemont propunxo presentase como cabezaleru d'una agrupación d'eleutores.

La creación de la formación, l'afitamientu y l'ésitu parllamentariu amás de la introducción de persones con nueves ideoloxíes, provocó baxes del PDeCAT y tamién distanciamientos ente los principales llíderes y exllíderes políticos del PDeCAT y la formación de Junts per Catalunya.

CandidaturesEditar

La llista foi presentada por Puigdemont dende Bruxeles ya incorporó personalidaes del partíu, asina como dellos independientes como por exemplu la filóloga Laura Borràs, la hestoriadora Aurora Madaula, l'escritor Jaume Voi Caber, el sociólogu Salvador Cardús, la dibuxante Pilarin Bayés, l'actor Joan Lluís Bozzo, el cocineru Fermí Puig, l'hestoriador Josep Maria Solé y Sabaté y la exnedadora y exresponsable de la seleición española de natación sincronizada Anna Tarrés, ente otres.[5]

Destaca'l papel del presidente d'ANC, Jordi Sànchez, que foi segundu nes llista por Barcelona, dempués d'arrenunciar a tal cargu.[6] Ello ye qu'hasta cinco miembros del secretariáu nacional del ANC abandonaron el cargu pa incorporase a les llistes d'esta candidatura (Francesca Ferreres, Alícia Casals, Assumpció Castellví y Pere Grau).[7]

Campaña eleutoralEditar

Elsa Artadi foi cabeza de campaña y Eduard Pujol el voceru. Dientro l'equipu tamién taba Jaume Clotet, el direutor de comunicación del Gobiernu, l'alcalde de Valls Albert Batet, el cabu de gabinete de Puigdemont Josep Ris y el publicista Ramon Piqué.[8]

ResultanciesEditar

Contra tou pronósticu, Junts per Catalunya llogró 34 diputaos (les encuestes daben de primeres 13 y enantes de les eleiciones 25-27) polo tanto la resultancia sorprendió y quedó per delantre d'ERC (32 diputaos) y la CUP (4 diputaos). Ente los trés grupos sumaron 70 diputaos, dos percima de la mayoría absoluta.[9][10][11] La llista superó por 12.000 votos y dos escaños a ERC, convirtiéndose nel partíu independentista mayoritariu nel Parllamentu de Cataluña.[12]

Quedaron 2 escaños por detrás de Ciutadans que foi'l partíu ganador nestes eleiciones.

Resultaos eleutorales[13][14]Editar

Eleiciones al Parllamentu de Cataluña[15]Editar

Añu Votos Porcentaxe Escaños
2017 948.233 21,66
34/135

Eleiciones a les Cortes XeneralesEditar

Congresu de los Diputaos
Añu Votos Porcentaxe Escaños
2019 (abril) 497.638 1,91%
7/350
2019 (Payares) 527.375 2,19%
8/350

Senáu d'EspañaEditar

Congresu de los Diputaos
Añu Votos Porcentaxe Escaños
2019 (abril) 2
2019 (Payares) 3

Eleiciones al Parllamentu EuropéuEditar

Añu Votos Porcentaxe Escaños
2019 1.025.411 4,58%
2/54

Ver tamiénEditar

ReferenciesEditar

Enllaces esternosEditar