Abrir el menú principal
K-pop
Oríxenes musicales: Música dance, música electrónica, synthpop (electropop), hip hop, rock, R&B moderno
Oríxenes culturales: Principios de los años 1990, Corea del Sur
Instrumentos comunes: Voz, sintetizador, sequenciador, sampler, máquina de batería, teclaos, guitarra llétrica, baxu llétricu, batería, pianu, a veces tamién otros instrumentos, tal como los de vientu y de cuerda
Popularidá: Alta nel este d'Asia
Data d'orixe:Principios de los años 1990
Temes rellacionaos
J-pop
Enllaces
Canal oficial del K-pop en YouTube

K-pop (/keɪ pɔp/, abreviatura del inglés Korean pop "música pop coreana", en coreanu 케이팝 ) ye un xéneru de música de Corea del Sur[1][2][3][4]. Magar que los sos oríxenes remóntense a la década de 1990, el términu tien popularizaose de magar l'entamu de la década de 2000, na que sustituyó al términu Gayo (가요), utilizáu tamién en Corea del Sur pa referise a la música pop fecha nel país. Magar qu'el términu fae referencia a la "música popular" en xeneral, aveza a usase nún sentíu más concretu pa describir una forma moderna de pop surcoreano que axunta, colos sos raigaños na música coreana tradicional, influencia d'estilos y xéneros (música de baille, rock, jazz, góspel, hip hop, folk, country, música lletrónica) del restu del mundu. Puede considerarse que l'orixe del K-pop remóntase a la formación del grupu Seo Taiji and Boys en 1992. La esperimentación d'esti grupu con estremaos estilos y xéneros de música, y la integración nes sos canciones d'elementos musicales foriatos, axudaron a reformular y modernizar la música contemporánea de Corea del Sur.

La cultura "idol", característica d'esti estilu, entamó pocos años dempués, cola banda H.O.T., que marcó la medría del K-pop como una subcultura diferenciada colos sos propios códigos y gran cantidad de fans adolescentes y adultos xóvenes. Tres d'un bache nel xéneru, de magar 2003 los grupos TVXQ y BoA revitalizáronlo, ayudando a qu'el xéneru fora conocíu notros países, primero Xapón y lluéu el restu del mundu. Les redes sociales facilitaron qu'anguaño el K-pop y la industria del entretenimientu coreana en xeneral, la nomada Korean Wave (fola coreana), seyan populares n'Asia oriental y suroriental, pero tamién en Bangladex, India, América Llatina, África del norte y meridional y Europa, lo que-y da al xéneru ciertu calter de xéneru musical global.

Grupos y músicos de K-pop destacaosEditar

Ver tamiénEditar

ReferenciesEditar

  1. «Medi@sia: Global Media/tion In and Out of Context» (inglés) páxs. 144. Taylor & Francis (2006). Consultáu'l 2013-10-14.
  2. «Musical Terms Worldwide: A Companion for the Musical Explorer» (inglés) páxs. 15. Semar Publishers (2006). Consultáu'l 2013-10-14.
  3. Jeff Benjamin (2012-05-18). «The 10 K-Pop Groups Most Likely to Break in America» (inglés). Rolling Stones. Consultáu'l 2013-10-14.
  4. Lina Yoon (2010-08-26). «Korean Pop, with Online Help, Goes Global» (inglés). Time. Consultáu'l 2013-10-14.

Enllaces esternosEditar


Esti artículu ye un entamu. Pues ayudar a la Wikipedia n'asturianu ampliándolu.