Kagema

Kagema (陰間) ye un términu históricu xaponés pa un prostituto mozu masculín. Los kagema yeren de cutiu aprendices d'actores de kabuki (que de la mesma de cutiu yeren prostitutos fuera del escenariu) y sirvíen a una vecería de muyeres y homes. Pa los veceros masculinos el serviciu habitual yera'l sexu añal pasivu; la felación homosexual práuticamente nun se menta nos documentos de la yera Tokugawa.

Un home retoza con un wakashū (probablemente un kagema) y una prostituta. El wakashū (que lleva una bufanda) da un besu a les escondidielles a la muyer, por detrás del llombu del veceru. Nishikawa Sukenobu, escontra 1716-1735. Impresión shunga coloriada a mano.

Los kagema que nun taben afiliaos con un teatru kabuki podíen ser contrataos al traviés de chamizues masculinos o aquelles cases de te especializaes en kagema. Munchos d'estos prostitutos, según munchos de los actores kabuki, yeren criaos amestaos por contratu, vendíos de neños al chamizu o teatru, típicamente nun contratu de 10 años. Los kagema podíen ser presentaos como homes nuevos (yarō), wakashū (adolescentes d'ente 10 y 18 años) o como onnagata (tresformistes).

Los kagema davezu cobraben más que les prostitutes femenines d'un estatus equivalente y foi un negociu floreciente hasta mediaos del sieglu XIX, a pesar de les restricciones llegales crecientes.

El términu tamién s'emplega en dómina moderna en Xapón dientro del xíriga homosexual.

Ver tamién

• Homosexualidá en Xapón

Bibliografía

• Leupp, Gary P. (1997). Male Colors: The Construction of Homosexuality in Tokugawa Japan. University of California Press. ISBN 0520209001.