Koiné

La koiné (o κοινή; del griegu «llingua común»), nun sen estrictu, ye una forma de griegu clásicu normalizao na época helenística xurdida principalmente del griegu xónico-áticu y que sirvió de llingua común, nel so entamu, de la Grecia antigua, onde se emplegaben dellos dialeutos. Depués, espardiose pel mundu antiguu en competencia col llatín.

Por extensión, una koiné ye una llingua vehicular na que fundense estremaos dialeutos y fales locales. La koiné pue ser namás escrita o oral. Pue llimitase a la lliteratura (poesía, teatru...), a los testus administrativos, de derechu, etc.

Los exemplos más remarcables de constitución d'una koiné son el griegu antiguu pero tamién l'occitanu o l'árabe literal. Una koiné pue tamién ser una llingua franca que permite la comunicación ente interlocutores que falen llingues estremaes. Así, anguaño l'inglés nel mundu de los negocios pue sirvir de koiné.