Kolinda Grabar-Kitarović
Kolinda Grabar-Kitarović (pronunciación en croata: [kȏlǐndǎ gr̩abâr̩ kitǎːr̩oʋit͡ɕ]) , (29 d'abril de 1968, Rijeka), ye una diplomática y política, presidenta de Croacia pol partíu conservador Unión Democrática Croata dende'l 19 de febreru de 2015.
_-_ribbon_bar.gif){kind=small}
.jpg)
Formación editar
Como estudiante de secundaria, entró nun programa d'intercambiu d'estudiantes y a los 17 años treslladóse a Los Álamos, Nuevu Méxicu, (Estaos Xuníos) onde se graduó en 1986; de vuelta en Croacia estudió na Universidá de Zagreb, onde se graduó en 1992 con llicenciatures n'inglés, castellanu y lliteratura.
Fala croata, inglés, castellanu y portugués y entiende l'alemán, el francés y l'italianu.
Carrera editar
En 1992, Grabar-Kitarović convirtióse n'asesora del Departamentu de Cooperación Internacional del Ministeriu de Ciencia y Teunoloxía. En 1993 incorporóse a la Unión Democrática Croata, un partíu conservador. En 2003 yera designada ministra d'Asuntos esteriores, pero en 2005, esti ministeriu mecióse con otru y asignáron-y el cargu de Ministra d'Asuntos Esteriores y Europeos. El 8 de marzu de 2008 convirtióse n'embaxadora de Croacia nos Estaos Xuníos.
De 2011 a 2014 foi la subsecretaria xeneral de diplomacia pública na OTAN.[5]
Discutinios editar
En 2010 producióse un escándalu na embaxada croata nos Estaos Xuníos cuando s'afayó que Jakov Kitarović, l'home de Kolinda Grabar, utilizaba un vehículu oficial para fines privaos. Como contrapesu, en 2018 viaxó al Mundial de Rusia pero non solo pagando del so propiu bolsu'l pasaxe y los gastos del viaxe, sinón que se descontó del so salariu los díes que pasó en Rusia.[6]
Presidencia editar
Na primer ronda de les eleiciones presidenciales del 21 d'avientu de 2014 Kolinda Grabar-Kitarovic ganó col 38,5% de los votos, en segundu llugar figuró Ivo Josipović que recibió'l 37,2 %, ente qu'Ensinčić y Kujundžić, los dos candidatos siguientes, llograron el 16,4% y el 6,3% de los votos respeutivamente. Como nengún candidatu llogró más del 50% de los votos, taba prevista una segunda vuelta ente los dos principales candidatos, Josipović y Grabar-Kitarović.
La segunda vuelta tuvo llugar el 11 de xineru de 2015, esi día resultó elixida Grabar-Kitarović pol 50,7% de los votos. El 19 de febreru de 2015 asumió como la primer muyer presidenta de Croacia.
Kolinda Grabar-Kitarovic, xunto col presidente polacu Andrzej Duda, son los aniciadores y fundadores d'Iniciativa Trés Mares.
Referencies editar
- ↑ Afirmao en: Enciclopedia Brockhaus. Identificador de Brockhaus Enzyklopädie en línea: grabar-kitarovic-kolinda. Apaez como: Kolinda Grabar-Kitarović. Data de consulta: 9 ochobre 2017. Llingua de la obra o nome: alemán.
- ↑ Identificador CONOR.SI: 92261731. Afirmao en: CONOR.SI.
- ↑ URL de la referencia: http://www.ordens.presidencia.pt/?idc=154.
- ↑ URL de la referencia: https://www.olympic.org/mrs-kolinda-grabar-kitarovic.
- ↑ «Kolinda Grabar-Kitarovic, Assistant Secretary General for Public Diplomacy» (inglés). Sitio web de la OTAN (28 d'agostu de 2013). Archiváu dende l'orixinal, el 26 d'ochobre de 2014. Consultáu'l 16 de febreru de 2015.
- ↑ «Kolinda Grabar-Kitarovic, la fan más incondicional de Croacia». La Vanguardia. Consultáu'l 2018-07-18. Kolinda Grabar-Kitarovic, la fan más incondicional de Croacia. https://www.lavanguardia.com/internacional/20180714/45878959277/presidenta-croacia-grabar-kitarovic-seleccion-mundial-rusia.html. Consultáu'l 2018-07-18.
Enllaces esternos editar
Wikimedia Commons acueye conteníu multimedia sobre Kolinda Grabar-Kitarović 
.- Biografía de Kolinda Grabar-Kitarović por CIDOB (n'español)
Datos: Q3176299- Multimedia: Kolinda Grabar-Kitarović
