La Polla Records
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Polla Records foi una banda de punk rock vasca formada en Salvatierra, Álava. Tuvo activa dende 1979 a 2003 y dende 2019 a 2021.
| La Polla Records | ||
|---|---|---|
 Evaristo con La Polla mientres un conciertu | ||
| Datos xenerales | ||
| Orixe | Salvatierra, Álava, País Vascu, España | |
| Información artística | ||
| Xéneru(os) | Punk rock, hardcore punk | |
| Periodu d'actividá | 1979 - 2003 | |
| Sellu discográficu | Oihuka, Soñua, GOR, Maldito Records | |
| Miembros | ||
| Evaristo Páramos, Txarly, Sume, Abel, Fernando Murua Quintana (Fernandito)† | ||
| Enllaces esternos | ||
| Sitiu web oficial | http://www.lapollarecords.net/ | |
| Discogs | 1002680 | |
| IMDb | nm4923852 | |
| [editar datos en Wikidata] | ||
La banda foi formada pol cantante gallegu aniciáu n'Álava Evaristo Páramos, con Fernandito na batería (fináu en 2002), Maleguin nel baxu, más Sume y Txarly nes guitarres. El nome de La Polla nació, según Evaristo:
[...] salió porque decíamos mucho «me cago en la polla». «Récords» no sabíamos que quería decir «disco» en inglés, [...] sino que se lo pusimos en el sentido de los récords de atletismo.[1]
Historia
editarEn 1983 llanzaron un EP "¿Y ahora qué?" so la discográfica independiente "Oihuka". Esti trabayu contenía namái cuatro canciones. Poco dempués, en 1984 sacaron un LP llamáu "Salve". Nes sos lletres faen fuertes crítiques contra'l fascismu, el capitalismu, el nacionalismu, l'autoritarismu, el catolicismu, la política, la alienación, la moda, y otros factores de la sociedá, daqué que caracterizaría tola so carrera.
Mientres los años siguientes grabaron "Revolución" (a partir d'equí'l baxista Maleguin ye sustituyíu por Abel, primu de Fernandito), "No somos nada" que la so portada convirtióse na imaxe del grupu, "Donde se habla" en 1988, "En direuto" (primer discu en vivu), "Ellos dicen mierda, nosotros amén" y "Los jubilados" (dambos editaos en 1990), el so segundu EP "Barman", "Negro" en 1992 y "Hoy es el futuro" en 1993.
En 1994, un tribunal prohibió'l nome de la banda, por cuenta de un contenciosu con un antiguu téunicu de soníu espulsáu del grupu qu'empecipió la demanda en 1991. LPR ignoró la sentencia al sacar col mesmu nome l'álbum "Bajo presión" en 1994, un títulu bien significativu polo que taba pasando en redol al grupu. Finalmente, en 1996 camudaron el nome, dexando namái "La Polla" nel álbum "Carne para la picadora" de 1996.
Darréu llanzaron el segundu álbum en direuto tituláu "La Polla en turecto" en 1998, y en 1999 conmemoraron los venti años de LPR grabando "Toda la puta vida igual". A partir del añu 2000 Txarly dexa la banda siendo sustituyíu por Jokin de M.C.D., col que graben "Bocas", publicáu en 2001. Mientres la xira de 2002, Fernandito morrió'l 3 de setiembre, por causa de un ataque cardiacu, la banda atayó tolos sos conciertos y xires. Por cause de la perda de Fernandito, reclutaron al batería Tripi y sacaron el so últimu álbum, como bien indica'l so títulu: "El último (el) de La Polla", con una portada y títulu nos cualos faen gala de la típica ironía y bon humor del grupu, poniendo fin a 24 años de carrera en 2003.
Dempués de La Polla Evaristo publicó un llibru llamáu "Polos fíos lo que sía", en que narra rellatos, hestories o anécdotes que tienen el mesmu propósitu que les sos lletres, siguiendo tamién la so carrera musical con bandes efímeres como The Kagas, The Meas, y col grupu Gatillazo, col que yá editó delles plaques discográfiques.
Discografía
editarN'estudiu
editar- Salve - 1984
- Revolución - 1985
- No somos nada - 1986
- Donde se habla - 1988
- Ellos dicen mierda, nosotros amén - 1990
- Los jubilados - 1990
- Negro - 1992
- Hoy es el futuro - 1993
- Bajo presión - 1994
- Carne para la picadora - 1996
- Toda la puta vida igual - 1999
- Bocas - 2001[2]
- El último (el) de La Polla - 2003
En direutu
editar- En direuto - 1988
- En turecto - 1998
- Vamos entrando - 2004
Referencies
editar- ↑ Historia de La Polla Records
- ↑ «Letras». Archiváu dende l'orixinal, el 7 de febreru de 2012. Consultáu'l 19 de xineru de 2013.
Enllaces esternos
editar
Wikimedia Commons acueye conteníu multimedia sobre La Polla Records.
Datos: Q2606599- Multimedia: La Polla Records
