La Terremoto de Alcorcón

La Terremoto de Alcorcón
Vida
Nacimientu	Madrid, 17 de setiembre de 1977 (47 años)
Nacionalidá	España
Estudios
Llingües falaes	castellanu
Oficiu	cantante, vedette, actriz
Seudónimos	La Terremoto de Alcorcón
Instrumentu musical	voz
IMDb	nm1250933
	laterremotodealcorcon.es

La Terremoto de Alcorcón (17 de setiembre de 1977, Madrid) ye'l nome artísticu de Pepa Charro, una cantante cómica española de Madrid.

Natural d'Alcorcón, tuvo a estudiar idiomes. Trabayó d'au pair nel Reinu Xuníu.

El grupu Diabéticas Aceleradas fichola en 1999. Anguaño vive en Palma de Mallorca, onde rexentaba anantes un chigre en Sant Jordi, una pedanía de la capital, anque'l mentáu chigre traspasóse.

Conózse-y n'España poles sos parodies de cantares como Can't get you out of my head de Kylie Minogue (Me estoy poniendo morá) o Hung Up de Madonna (Time goes by con Loli), de la que fizo tamién un videoclip asemeyando a la cantante d'Estaos Xuníos. Tamién camudó'l cantar de Michael Jackson en Thriller o a Beyoncé Knowles en Crazy in love entre otros.

Nel añu 2006 presentónos Sin afeitar (I will survive) de Gloria Gaynor y pal branu Me voy pa Benidorm (Walking on sunshine) de Katrina & The Waves. Tamién esi mesmu añu participó como collaboradora nel magacín nocherniegu D-Calle presentáu por Cayetana Guillén Cuervo en La 2.

En 2007 presentó'l so primer single pal himnu del Europride 2007 nomáu ¡Libérate!, del que se llanzaron versiones en dellos idiomes: inglés, catalán, francés, italianu y castellanu. Tamién sacó la versión d'Estoy enajená camudando la lletra de Dover (Let me out).

Referencies

Enllaces esternos

Páxina web oficial
La Terremoto de Alcorcón na Internet Movie Database (n'inglés)
La Terremoto de Alcorcón n'AllMovie (n'inglés)